ഹരിപ്പാട്: ലോക്ഡോണ്‍ നിയന്ത്രണങ്ങള്‍ ലംഘിച്ച്‌ ക്രിക്കറ്റ് കളിച്ച സംഘത്തിന് ശിക്ഷ ഒരു ദിവസത്തെ സാമൂഹ്യസേവനം. മഹാദേവികാട് പുളിക്കീഴ് വടക്കുവശം ക്രിക്കറ്റ് കളിച്ച്‌ ഏഴോളം പേരെയാണ് തൃക്കുന്നപ്പുഴ പൊലീസ് പിടികൂടിയത്.
ഇവര്‍ക്ക് ഒരു ദിവസത്തെ സാമൂഹ്യസേവനമാണ് പോലീസ് നല്‍കിയ ശിക്ഷ. സ്റ്റേഷനു സമീപം നടത്തുന്ന പൊലീസ് പരിശോധനയില്‍ പങ്കെടുത്ത് മാസ്ക് ഉപയോഗിക്കുന്നതിന്‍റെയും സാമൂഹിക അകലം പാലിക്കുന്നതിന്‍റെയും ആവശ്യകതകള്‍ പറഞ്ഞ് ആളുകളെ ബോധവല്‍ക്കരിക്കുകയാണ് ഇവരുടെ ദൗത്യം.
