സോഷ്യൽ മീഡിയ ഇൻഫ്ലുവൻസറും നടനും ബിജെപി നേതാവുമായ കൃഷ്ണകുമാറിന്റെ മകളുമായ ദിയ കൃഷ്ണ ഒരു ഉത്തരേന്ത്യൻ യൂട്യൂബറുടെ വീഡിയോയ്ക്ക് നൽകിയ കമന്റ് വിവാദമായ പശ്ചാത്തലത്തിൽ ഈ വിഷയത്തിൽ പ്രതികരിച്ചിരിക്കുകയാണ് ഹിന്ദു ഐക്യവേദി സംസ്ഥാന പ്രസിഡണ്ട് ആർ വി ബാബു. ഉത്തരേന്ത്യൻ യൂട്യൂബറുടെ വീഡിയോ വിവാദമായ പശ്ചാത്തലത്തിൽ ദിയ കൃഷ്ണ നേരിട്ട് തന്നെ ഈ വിഷയത്തിൽ നിലപാട് വ്യക്തമാക്കി കൊണ്ട് രംഗത്തെത്തിയിരുന്നു. വർക്കലയിലെ കാശി ആർട് കഫേ എന്ന സ്ഥാപനത്തിൽ മഹാത്മാഗാന്ധിക്ക് ഒപ്പം തന്നെ തുല്യ പ്രാധാന്യത്തിൽ മുഹമ്മദലി ജിന്നയെയും പ്രദർശിപ്പിച്ചിരിക്കുന്നതിനെതിരെയാണ് താൻ പ്രതികരിച്ചതെന്ന് ദിയ വ്യക്തമാക്കി. ഈ വിഷയത്തിൽ ദിയ കൃഷ്ണക്ക് പൂർണ്ണ പിന്തുണയുമായാണ് ഇപ്പോൾ ഹിന്ദു ഐക്യവേദി സംസ്ഥാന പ്രസിഡണ്ട് രംഗത്തെത്തിയിട്ടുള്ളത്.
ആർ വി ബാബു സമൂഹമാധ്യമങ്ങളിൽ പങ്കുവച്ച പോസ്റ്റ്,
ഫോർട്ട് കൊച്ചിയിലെ കാശി ആർട്ട് കഫേ എന്ന റസ്റ്റോറന്റിനെ കുറിച്ച് ഒരു ഉത്തരേന്ത്യൻ യൂട്യൂബർ പറഞ്ഞതിൽ ഗൗരവത്തിലെടുക്കേണ്ട ചില വസ്തുതകളുണ്ട്. ഹിന്ദുക്കൾ പവിത്രമായി കണക്കാക്കുന്ന കാശിയുടെ പേരിലുള്ള കഫേയിൽ ബീഫ് വിൽക്കുന്ന വിഷയമല്ല നാം ചർച്ച ചെയ്യേണ്ടത്. കേരളത്തിലെ ഒരു സ്ഥാപനത്തിൽ നമ്മുടെ രാജ്യത്തെ മതത്തിന്റെ പേരിൽ വെട്ടിമുറിച്ച മുഹമ്മദലി ജിന്നയുടെ ഫോട്ടോ മഹാത്മ ഗാന്ധിക്കൊപ്പം വച്ചിരിക്കുന്നതാണ് മത വർഗീയതയുടെ സ്വാധീനം തെളിയിക്കുന്ന വസ്തുത. വിമർശകർ അക്കാര്യം മാത്രം മിണ്ടാത്തത് തന്നെയാണ് മുസ്ലീം വർഗീയതക്ക് കേരളം കീഴടങ്ങി എന്നതിന്റെ ഏറ്റവും വലിയ തെളിവ്. ജിന്നയുടെ ഫോട്ടോ മാറ്റണമെന്ന് ഈ സമയം വരെ ഈ വിമർശകരാരും പറയാത്തത് എന്ത് കൊണ്ടാണ്?.കേരളത്തിന്റെ ഈ കീഴടങ്ങൽ വ്യക്തമാക്കുന്ന ഒന്നല്ല ഒരായിരം ഉദാഹരണങ്ങൾ ചൂണ്ടിക്കാണിക്കാനാവും.കേരളത്തെ തങ്ങളുടെ മത വർഗീയത കൊണ്ട് മൂടുന്നവർക്കെതിരെ വിരൽ ചൂണ്ടുന്നവരാണ് വർഗീയ വിഷം വമിപ്പിക്കുന്നതെന്ന കുപ്രചരണം മാമാ മാധ്യമങ്ങൾ എത്ര നടത്തിയാലും സത്യം സത്യമല്ലാതാകില്ല. ഒരര നൂറ്റാണ്ടിന് മുൻപാണ് ഫോർട്ട് കൊച്ചി അടുത്ത് മട്ടാഞ്ചേരിയിൽ മുസ്ലീം വർഗീയ കലാപമുണ്ടായതെന്ന സത്യം മറച്ച് വയ്ക്കാനാവില്ല. പുറമേ കാണുന്ന സമാധാനവും സൗഹൃദവും പൊള്ളയാണെന്ന് പലവുരു തെളിഞ്ഞതാണ് .
