പാലക്കാട്: പൊലീസിന്റെ അധികാരം സേവാഭാരതിക്ക്‌ നല്‍കുന്നത്‌ ശരിയാണോ എന്ന് പരിശോധിക്കണമെന്നാണ് ആവശ്യപ്പെട്ട് രംഗത്തെത്തിയ കോണ്‍ഗ്രസ് നേതാവ് ടി സിദ്ദിഖിന് മറുപടിയുമായി ബിജെപി നേതാവ് സന്ദീപ് ജി വാര്യര്‍ രംഗത്ത്. ഫേസ്ബുക്ക് പോസ്റ്റിലൂടെയാണ് അദ്ദേഹം പ്രതികരണം അറിയിച്ചത്.
‘കാള പെറ്റു എന്ന് കേട്ടതോടെ ടി.സിദ്ദീഖ് കയറെടുക്കുന്നു . പുറകെ ചില മാധ്യമങ്ങളും. നാട്ടിലിറങ്ങി നാട്ടുകാര്‍ക്ക് വേണ്ടി എന്തെങ്കിലുമൊക്കെ ചെയ്യുമ്പോള്‍ വിയര്‍പ്പിന്റെ അസുഖമുള്ളവരാണ് സിദ്ദീഖിന്റെ യൂത്ത് കോണ്‍ഗ്രസുകാര്‍ . നാട്ടുകാര്‍ക്ക് ഒരു ഉപയോഗവും ഇല്ലെങ്കിലും കുത്തിത്തിരുപ്പുണ്ടാക്കാന്‍ കോണ്‍ഗ്രസുകാര്‍ മുന്നിലുണ്ടാവും’, സന്ദീപ് ഫേസ്ബുക്കില്‍ കുറിച്ചു.
ഫേസ്ബുക്ക് പോസ്റ്റിന്റെ പൂര്‍ണ്ണരൂപം:
പാലക്കാട്ടെ പോലീസ് ഉദ്യോഗസ്ഥര്‍ ഇന്നലെ മുനിസിപ്പല്‍ വൈസ് ചെയര്‍മാന്‍ അഡ്വ.ഇ.കൃഷ്ണദാസിനെ വിളിച്ച്‌ പോലീസിനെ സഹായിക്കാന്‍ കുറച്ച്‌ വളണ്ടിയേഴ്സിനെ വേണം എന്ന് ആവശ്യപ്പെടുന്നു.
വൈസ് ചെയര്‍മാന്‍ സേവാഭാരതി, ഡിവൈഎഫ്‌ഐ, യുവമോര്‍ച്ച, യൂത്ത് കോണ്‍ഗ്രസ് എന്നീ സംഘടനകളുടെ പാലക്കാട് നഗരത്തിലെ ഉത്തരവാദിത്തപ്പെട്ട ഭാരവാഹികളെ വിളിക്കുന്നു.
തുടര്‍ന്ന് ഡിവൈഎഫ്‌ഐ 10 പേരുടെ ലിസ്റ്റ് നല്‍കുന്നു . യുവമോര്‍ച്ച 10 പേരുടെ ലിസ്റ്റ് നല്‍കുന്നു. സേവാഭാരതി 20 പേരുടെ ലിസ്റ്റ് നല്‍കുന്നു . എല്ലാം പോലീസിന് കൈമാറുന്നു
യൂത്ത് കോണ്‍ഗ്രസ് ലിസ്റ്റ് ലഭിക്കാത്തതിനെ തുടര്‍ന്ന് യൂത്ത് കോണ്‍ഗ്രസ് നേതാക്കളെ വീണ്ടും വൈസ് ചെയര്‍മാന്‍ വിളിക്കുന്നു . ലഭിക്കുന്നില്ല .
കാള പെറ്റു എന്ന് കേട്ടതോടെ ടി.സിദ്ദീഖ് കയറെടുക്കുന്നു . പുറകെ ചില മാധ്യമങ്ങളും.
നാട്ടിലിറങ്ങി നാട്ടുകാര്‍ക്ക് വേണ്ടി എന്തെങ്കിലുമൊക്കെ ചെയ്യുമ്പോള്‍ വിയര്‍പ്പിന്റെ അസുഖമുള്ളവരാണ് സിദ്ദീഖിന്റെ യൂത്ത് കോണ്‍ഗ്രസുകാര്‍ . നാട്ടുകാര്‍ക്ക് ഒരു ഉപയോഗവും ഇല്ലെങ്കിലും കുത്തിത്തിരുപ്പുണ്ടാക്കാന്‍ കോണ്‍ഗ്രസുകാര്‍ മുന്നിലുണ്ടാവും.
Discussion about this post