തിരുവനന്തപുരം: സംസ്ഥാനത്ത് നാളെ അര്ദ്ധരാത്രി മുതല് സംസ്ഥാനത്തെ നാല് ജില്ലകളില് ട്രിപ്പിള് ലോക്ക്ഡൗണ്. തിരുവനന്തപുരം, എറണാകുളം, തൃശൂര്, മലപ്പുറം എന്നീ ജില്ലകളിലാണ് നാളെ മുതല് ട്രിപ്പിള് ലോക്ക്ഡൗണ് നിലവില് വരിക. ട്രിപ്പിള് ലോക്ക്ഡൗണ് കര്ശനമായി നടപ്പാക്കുന്നതിന് 10,000 പൊലീസുകാരെ വിന്യസിക്കുമെന്നും നിയന്ത്രണങ്ങള് ലംഘിക്കുന്നവര്ക്കെതിരെയും അനാവശ്യമായി പുറത്തിറങ്ങുന്നവര്ക്കെതിരെയും കര്ശനമായ നടപടി സ്വീകരിക്കുമെന്നും മുഖ്യമന്ത്രി പിണറായി വിജയൻ വാര്ത്താ സമ്മേളനത്തിലൂടെ അറിയിച്ചു.
നിരീക്ഷണത്തിനായി ഡ്രോണ് സംവിധാനത്തെ ഉപയോഗപ്പെടുത്തുമെന്നും അദ്ദേഹം വ്യക്തമാക്കി. പത്രം, പാല് എന്നിവ രാവിലെ ആറ് മണിക്ക് മുമ്പേ തന്നെ വീട്ടിലെത്തിക്കേണ്ടതുണ്ട്. ബേക്കറി, പലവ്യഞ്ജന കടകള് എന്നിവയ്ക്ക് ഒന്നിടവിട്ട ദിവസങ്ങളില് പ്രവര്ത്തിക്കാം. വീട്ടുജോലിക്കാരായിട്ടുള്ളവര്ക്ക് പാസ് വാങ്ങിക്കൊണ്ട് യാത്ര ചെയ്യാനുള്ള അനുമതിയുണ്ട്. ജില്ലകളുടെ അതിര്ത്തികള് അടയ്ക്കുമെന്നും മുഖ്യമന്ത്രി വ്യക്തമാക്കിയിട്ടുണ്ട്. ജില്ലകളിലേക്ക് പ്രവേശിക്കാന് ഒരു വഴി മാത്രമാകും ഉണ്ടാകുക.
Discussion about this post