ശ്രീനഗർ: ജമ്മു കശ്മീരിലെ ശ്രീനഗറിൽ ഏറ്റുമുട്ടൽ. രണ്ട് അൽബദർ ഭീകരരെ സൈന്യം വധിച്ചു. ശ്രീനഗറിലെ ഖാന്മോയിലായിരുന്നു ഏറ്റുമുട്ടൽ.
ഇന്ന് പുലർച്ചെയായിരുന്നു ഏറ്റുമുട്ടൽ ആരംഭിച്ചത്. കഴിഞ്ഞ ദിവസം മേഖലയിൽ തിരച്ചിൽ നടത്തിയ സൈനികർക്ക് സ്ഫോടകവസ്തുക്കൾ ലഭിച്ചിരുന്നു. തുടർന്ന് നടത്തിയ പരിശോധനയിൽ സമീപത്ത് ഒളിഞ്ഞിരിക്കുന്ന ഭീകരരെ കണ്ടെത്തുകയായിരുന്നു.
ഭീകരരോട് കീഴടങ്ങാൻ ആവശ്യപ്പെട്ടെങ്കിലും കൂട്ടാക്കാതെ അവർ സൈനികർക്ക് നേരെ നിറയൊഴിക്കുകയായിരുന്നു. തുടർന്ന് സൈന്യം നടത്തിയ പ്രത്യാക്രമണത്തിലാണ് ഭീകരർ കൊല്ലപ്പെട്ടതെന്ന് കശ്മീർ പൊലീസ് അറിയിച്ചു.
Discussion about this post