ഡൽഹി: കൊവിഡ് വാക്സിൻ വിതരണത്തിന് പുതിയ മാർഗ്ഗരേഖ പുറപ്പെടുവിച്ച് കേന്ദ്ര സർക്കാർ. ഇനി മുതൽ രോഗികളുടെ എണ്ണവും ജനസംഖ്യയും കണക്കാക്കിയാകും സംസ്ഥാനങ്ങൾക്ക് കേന്ദ്രം വാക്സിൻ വിതരണം ചെയ്യുക.
18നും 44 നും ഇടയിലുള്ളവരിൽ ആര്‍ക്ക് മുൻഗണന നൽകണം എന്ന് സംസ്ഥാനങ്ങൾക്ക് തീരുമാനിക്കാം. സ്വകാര്യ ആശുപത്രികൾക്ക് വാക്സീൻ നൽകുന്ന കാര്യം കമ്പനികൾക്ക് തീരുമാനിക്കാം. ഇതിന്‍റെ വിലയും കമ്പനികള്‍ക്ക് തീരുമാനിക്കാം.
സ്വകാര്യ ആശുപത്രികളിൽ നിന്ന് വാക്സീൻ സ്വീകരിക്കുന്ന പാവപ്പെട്ടവര്‍ക്ക് ഈ വൗച്ചര്‍ സംവിധാനം ഒരുക്കുമെന്നും കേന്ദ്ര സർക്കാർ വ്യക്തമാക്കി. ഇന്ത്യയിൽ പ്രായപൂർത്തിയായ എല്ലാവർക്കും കൊവിഡ് വാക്സിൻ സൗജന്യമായി നൽകുമെന്ന് പ്രധാനമന്ത്രി നരേന്ദ്ര മോദി കഴിഞ്ഞ ദിവസം പ്രഖ്യാപിച്ചിരുന്നു. പ്രഖ്യാപനത്തിന് വൻ സ്വീകാര്യതയാണ് രാജ്യത്തിനകത്ത് നിന്നും പുറത്ത് നിന്നും ലഭിക്കുന്നത്.
Discussion about this post