മുംബൈ: കൊടും കുറ്റവാളി ദാവൂദ് ഇബ്രാഹിമിന്റെ സഹോദരൻ ഇഖ്ബാൽ കസ്കർ അറസ്റ്റിൽ. മയക്കുമരുന്ന് കേസിൽ നാർകോട്ടിക്സ് കണ്ട്രോൾ ബ്യൂറോയാണ് കസ്കറിനെ പിടികൂടിയത്. മുംബൈയിൽ നിന്നാണ് ഇയാൾ പിടിയിലായിരിക്കുന്നത്.
ദാവൂദിന്റെ സഹായി ചിങ്കു പഠാനുമായി ഇടപാട് നടത്തിയിരുന്ന മയക്കുമരുന്ന് വ്യാപാരി ഹാരിസ് ഖാനെ നേരത്തെ എൻസിബി പിടികൂടിയിരുന്നു. ബോളിവുഡ് നടൻ സുശാന്ത് സിംഗ് രാജ്പുതിന്റെ മരണത്തിൽ ഹാരിസ് ഖാന് പങ്കുണ്ടോയെന്ന് എൻസിബി അന്വേഷിക്കുന്നുണ്ട്.
മുംബൈയിലെ വിവിധയിടങ്ങളിൽ എൻസിബി അടുത്തയിടെ പരിശോധനകൾ നടത്തിയിരുന്നു. ദാവൂദിന്റെ സഹായിയായ ചിങ്കു പഠാനെ കഴിഞ്ഞ ജനുവരിയിൽ എൻസിബി പിടികൂടിയിരുന്നു. കൊല്ലപ്പെട്ട മുൻ മാഫിയ തലവൻ കരീം ലാലയുടെ ബന്ധുവാണ് പർവേസ് ഖാൻ എന്ന ചിങ്കു പഠാൻ.
