ഡൽഹി: കേന്ദ്ര മന്ത്രിസഭയിൽ പുതിയ വകുപ്പ് ഉൾപ്പെടുത്തുന്ന കാര്യത്തിൽ തീരുമാനമായതായി സൂചന. കേന്ദ്ര സഹകരണ മന്ത്രാലയത്തിന്റെ പ്രഖ്യാപനം ഇന്നത്തെ മന്ത്രിസഭാ വികസനത്തിന്റെ ഭാഗമായി ഉണ്ടാകുമെന്നാണ് റിപ്പോർട്ട്.
‘സഹകരണത്തിലൂടെ സമൃദ്ധിയിലേക്ക്‘ എന്നതായിരിക്കും മന്ത്രാലയത്തിന്റെ ആപ്തവാക്യം. രാജ്യത്തെ സഹകരണ സ്ഥാപനങ്ങളെ ശാക്തീകരിക്കുന്നതിന്റെ ഭാഗമായി നയപരവും നിയമപരവുമായ പദ്ധതി നിർവഹണത്തിന്റെ ചട്ടക്കൂട് തയ്യാറാക്കും.
സഹകരണ മേഖലയുടെ ശാക്തീകരണത്തിലൂടെയുള്ള വികസന പദ്ധതികൾക്ക് നായകത്വം വഹിക്കുക എന്നതായിരിക്കും പുതിയ മന്ത്രാലയത്തിന്റെ പ്രധാന ദൗത്യം. ബജറ്റ് പ്രഖ്യാപനത്തിലെ മുഖ്യ ഇനമായിരുന്നു സഹകരണ മന്ത്രാലയത്തിന്റെ രൂപീകരണം.
Discussion about this post