ലഖ്നൗ: കൊവിഡ് രണ്ടാം തരംഗത്തെ വിജയകരമായി കൈകാര്യം ചെയ്ത ഉത്തർ പ്രദേശ് സർക്കാരിന് അഭിനന്ദനങ്ങളുമായി പ്രധാനമന്ത്രി നരേന്ദ്ര മോദി. ഉത്തര് പ്രദേശ് കോവിഡ് രണ്ടാം തരംഗത്തെ കൈകാര്യം ചെയ്തത് അതുല്യമായ രീതിയിലായിരുന്നെന്ന് പ്രധാനമന്ത്രി പറഞ്ഞു.
ഉത്തര് പ്രദേശ് വൈറസിനോട് കാര്യക്ഷമതയോടെ പോരാടി. കോവിഡ് ഒന്നാം തരംഗത്തില് സംസ്ഥാനത്തെ ഏറ്റവും ഉയര്ന്ന പ്രതിദിന കണക്ക് 7,016 ആയിരുന്നു. എന്നാല് രണ്ടാം തരംഗത്തില് പ്രതിദിന രോഗികളുടെ കണക്ക് മുപ്പതിനായിരത്തിനും മുകളിലെത്തി. ഇന്ത്യയില് എറ്റവും ജനസംഖ്യയുള്ള സംസ്ഥാനമാണ് യു.പി. എന്നിട്ടും ഉത്തര് പ്രദേശ് മഹാമാരിയെ കൈകാര്യം ചെയ്തതും നിയന്ത്രിച്ചതും അഭിനന്ദനാര്ഹമാണെന്ന് പ്രധാനമന്ത്രി പറഞ്ഞു. സ്വന്തം മണ്ഡലമായ വരണാസിയില് സന്ദര്ശനം നടത്തവേ ആയിരുന്നു പ്രധാനമന്ത്രിയുടെ പരാമർശം.
നേരത്തെ ഓസ്ട്രേലിയന് പാര്ലമെന്റ് അംഗം ക്രെയ്ഗ് കെല്ലി ഉൾപ്പെടെ നിരവധി പ്രമുഖർ ഉത്തർപ്രദേശിലെ കോവിഡ് പ്രതിരോധത്തിൽ മുഖ്യമന്ത്രി യോഗി ആദിത്യനാഥിനെ അഭിനന്ദിച്ച് രംഗത്തെത്തിയിരുന്നു. യോഗി ആദിത്യ നാഥിന്റെ നേതൃത്വത്തിലുള്ള കോവിഡ് പ്രതിരോധം ലോകത്തിന് തന്നെ മാതൃകയാണെന്നായിരുന്നു കെല്ലിയുടെ പരാമർശം.
Discussion about this post