സാംബ: ജമ്മുവിലും സാംബയിലും വീണ്ടും ഡ്രോണുകൾ. നാല് ഡ്രോണുകളാണ് മേഖലയിൽ നിന്നും സംശയാസ്പദമായ സാഹചര്യത്തിൽ കണ്ടെത്തിയത്. കഴിഞ്ഞ ദിവസം ജമ്മുവിൽ കണ്ടെത്തിയ ഡ്രോൺ സൈന്യം വെടിവെച്ച് തകർത്തിരുന്നു.
ജമ്മുവിലെ വ്യോമസേന താവളത്തിന് നേർക്ക് ഡ്രോൺ ആക്രമണം നടന്ന് ദിവസങ്ങൾക്കുള്ളിലാണ് ഡ്രോണുകൾ കണ്ടെത്തിയിരിക്കുന്നത്. ജമ്മു കശ്മീരിൽ കഴിഞ്ഞ കുറെ ദിവസങ്ങളായി സംശയാസ്പദമായ സാഹചര്യത്തിൽ നിരവധി ഡ്രോണുകൾ കണ്ടെത്തിയിരുന്നു. ഈ സാഹചര്യത്തിൽ ശ്രീനഗർ, കുപ്വാര, രജൗറി, ബാരാമുള്ള എന്നിവിടങ്ങളിൽ ഡ്രോണുകൾ വിൽക്കുന്നതും കൈവശം വെക്കുന്നതും ഉപയോഗിക്കുന്നതും കൈമാറ്റം ചെയ്യുന്നതും നിരോധിച്ചിരുന്നു.
കഴിഞ്ഞ മാസം നടന്ന ഡ്രോൺ ആക്രമണത്തിൽ വ്യോമസേന താവളത്തിന് ചെറിയ തോതിൽ നാശനഷ്ടം സംഭവിച്ചിരുന്നു. സംഭവത്തിൽ എൻ ഐ എ അന്വേഷണം പുരോഗമിക്കുകയാണ്.
Discussion about this post