ഡല്ഹി: പന്തീരാങ്കാവ് യുഎപിഎ കേസിലെ പ്രതി അലന് ഷുഹൈബിന് ജാമ്യം അനുവദിച്ചതിനെതിരെ അപ്പീല് നല്കുമെന്ന് സുപ്രീം കോടതിയെ അറിയിച്ച് എന്ഐഎ. സ്വതന്ത്ര ജമ്മുകശ്മീരിന് വേണ്ടിയുള്ള ബാനര് താഹ ഫസലില് നിന്ന് കണ്ടെത്തിയതായി എന്ഐഎ അഭിഭാഷകന് സുപ്രീം കോടതിയില് വ്യക്തമാക്കി.
പന്തീരാങ്കാവ് യുഎപിഎ കേസിലെ പ്രതികളായ അലന് ഷുഹൈബിനും താഹ ഫസലിനും എന്ഐഎ കോടതി ജാമ്യം അനുവദിച്ചിരുന്നു. എന്നാല് ഹൈക്കോടതി താഹ ഫസലിന്റെ ജാമ്യം റദ്ദാക്കി. ഇതിനെതിരെ താഹ നല്കിയ ഹര്ജി സുപ്രീം കോടതി പരിഗണിക്കവെയാണ് അലന് ഷുഹൈബിന്റെ ജാമ്യത്തിനെതിരെ അപ്പീല് നല്കുമെന്ന് എന്ഐഎയ്ക്ക് വേണ്ടി ഹാജരായ അഡീഷണല് സോളിസിറ്റര് ജനറല് എസ്.വി.രാജു സുപ്രീം കോടതിയെ അറിയിച്ചത്. തുടര്ന്ന് രണ്ട് ഹര്ജികളും ഒരുമിച്ച് പരിഗണിക്കാനായി അടുത്ത ആഴ്ചത്തേക്ക് മാറ്റി.
Discussion about this post