ഗുവാഹത്തി: ‘ഒളിമ്പിക്സ്, കോമൺവെൽത്ത്, ഏഷ്യൻ ഗെയിംസ് മെഡൽ ജേതാക്കൾക്ക് സർക്കാർ സർവീസിൽ ഉന്നത പദവി നൽകുമെന്ന് അസം മുഖ്യമന്ത്രി ഹിമന്ത ബിശ്വ ശർമ്മ. അംഗീകൃത ലോക ചാമ്പ്യൻഷിപ്പുകളിൽ മെഡൽ നേടുന്ന കായിക താരങ്ങൾക്കും ദേശീയ ഗെയിംസ് മെഡൽ ജേതാക്കൾക്കും സർക്കാർ ജോലി നൽകുമെന്നും അദ്ദേഹം പറഞ്ഞു.
പ്രതിമാസ സ്പോർട്സ് പെൻഷൻ 8,000 രൂപയിൽ നിന്നും 10,000 രൂപയാക്കി ഉയർത്തുമെന്നും അദ്ദേഹം അറിയിച്ചു. ഒരു ലക്ഷം യുവാക്കൾക്ക് തൊഴിൽ നൽകുമെന്ന സർക്കാർ വാഗ്ദാനം പാലിക്കുന്നതിന്റെ ഭാഗമായി പൊലീസിൽ ഒഴിവുള്ള 15,000 തസ്തികകൾ ഉടൻ നികത്തുമെന്നും മന്ത്രിസഭാ യോഗത്തിന് ശേഷം അസം മുഖ്യമന്ത്രി വ്യക്തമാക്കി.
Discussion about this post