ഡല്ഹി: രാജ്യത്ത് വീണ്ടും പ്രതിദിന കൊവിഡ് കേസുകളുടെ എണ്ണം നാല്പതിനായിരം കടന്നു. കേരളത്തിലാണ് ഇപ്പോള് രാജ്യത്ത് ഏറ്റവും കൂടുതല് പ്രതിദിന കൊവിഡ് കേസുകള് റിപ്പോര്ട്ട് ചെയ്യുന്നത്. ഇന്നലെ സംസ്ഥാനത്ത് 23,676 കേസുകളാണ് റിപ്പോര്ട്ട് ചെയ്തത്. മഹാരാഷ്ട്രയാണ് തൊട്ടുപിന്നില്. 6,005 പേര്ക്കാണ് കഴിഞ്ഞ ദിവസം രോഗം സ്ഥിരീകരിച്ചത്.
കഴിഞ്ഞ ഇരുപത്തിനാല് മണിക്കൂറിനിടെ 42,625 പേര്ക്കാണ് വൈറസ് ബാധ സ്ഥിരീകരിച്ചതെന്ന് കേന്ദ്ര ആരോഗ്യ മന്ത്രാലയം അറിയിച്ചു. ഇതോടെ ആകെ രോഗബാധിതരുടെ എണ്ണം മൂന്ന് കോടി പതിനേഴ് ലക്ഷമായി ഉയര്ന്നു.
നിലവില് 4.10 ലക്ഷം പേരാണ് ചികിത്സയിലുള്ളത്. ഇന്നലെ 562 പേരാണ് രാജ്യത്ത് കൊവിഡ് ബാധിച്ച് മരിച്ചത്. ആകെ മരണം 4,25,757 ആയി. ഇരുപത്തിനാല് മണിക്കൂറിനിടെ 36,668 പേരാണ് രോഗമുക്തി നേടിയത്. ആകെ രോഗമുക്തരുടെ എണ്ണം 3,09,33,022 ആയി ഉയര്ന്നു. 97.37 ശതമാനമാണ് രാജ്യത്തെ രോഗമുക്തി നിരക്ക്.
Discussion about this post