ഡൽഹി: ആദിവാസികളെ അപമാനിച്ച കോൺഗ്രസ് എം എൽ എക്കെതിരെ പ്രതിഷേധം ശക്തമാകുന്നു. ആദിവാസികളെ ‘വിവരമില്ലാത്തവർ‘ എന്ന് വിശേഷിപ്പിച്ച കോൺഗ്രസ് എം എൽ എ ബൃഹസ്പതി സിംഗിനെതിരെ രൂക്ഷമായ പ്രതിഷേധവുമായി ദളിത് സംഘടനകൾ രംഗത്തെത്തി. ഛത്തീസ്ഗഢ് ആരോഗ്യ മന്ത്രിക്കെതിരായ ആരോപണങ്ങളുമായി ബന്ധപ്പെട്ട വിഷയത്തിൽ മാധ്യമപ്രവർത്തകരുടെ ചോദ്യത്തിന് മറുപടി പറയവെയായിരുന്നു എം എൽ എയുടെ വിവാദ പരാമർശം.
#WATCH | "You're journalists, you're educated. It's not right to ask questions like 'Anguthachap Adivasis'… Set your mental state right & then ask:Chhattisgarh Cong MLA Brihaspati Singh on question over apologizing after murder allegations against Health Min TS Singh Deo(03.07) pic.twitter.com/Jndr4w6sUV
— ANI (@ANI) August 4, 2021
മാധ്യമ പ്രവർത്തകരുടെ ചോദ്യത്തിൽ ക്ഷുഭിതനായ എം എൽ എ ആദിവാസികളെ അപമാനിക്കുകയായിരുന്നു. നിങ്ങൾ വിദ്യാഭ്യാസമുള്ളവരാണ്. വിവരമില്ലാത്ത ആദിവാസികളെ പോലെ സംസാരിക്കരുത് എന്നായിരുന്നു എം എൽ എയുടെ പ്രസ്താവന.
എം എൽ എയുടെ പ്രസ്താവനക്കെതിരെ രൂക്ഷമായ പ്രതിഷേധമാണ് ദളിത് സംഘടനകൾ രേഖപ്പെടുത്തിയത്. എം എൽ എ എത്രയും വേഗം പ്രസ്താവന പിൻവലിച്ച് മാപ്പ് പറയണമെന്ന് സർവ ആദിവാസി സമാജ് ആവശ്യപ്പെട്ടു. എം എൽ എയുടെ പ്രസ്താവനക്കെതിരെ ബിജെപിയും രംഗത്ത് വന്നു.
Discussion about this post