കൊല്ലം: കൊല്ലം- ചെങ്കോട്ട ദേശീയപാതയിൽ വാഹനാപകടം. കാറും ബൈക്കും കൂട്ടിയിടിച്ച് ബൈക്ക് യാത്രികരായ എന്ജിനീയറിങ് വിദ്യാര്ഥികള് മരിച്ചു. കുണ്ടറ കേരളപുരം മണ്ഡപം ജങ്ഷനില് വസന്ത നിലയത്തില് വിജയന്റെ മകന് ബി.എന്. ഗോവിന്ദ്(20) കാസര്കോട് കാഞ്ഞങ്ങാട് ചൈതന്യയില് അജയകുമാറിന്റെ മകള് ചൈതന്യ(20) എന്നിവരാണ് മരിച്ചത്.
അമിതവേഗത്തിലെത്തിയ കാര്, വിദ്യാര്ഥികള് സഞ്ചരിച്ച ബൈക്കില് ഇടിക്കുകയായിരുന്നു. തിരുവനന്തപുരത്തെ എന്ജിനീയറിങ് കോളേജിലെ വിദ്യാര്ഥികളാണ് ഗോവിന്ദും ചൈതന്യയും. കുന്നിക്കോട് ചേത്തടി ഭാഗത്തുവെച്ച് ചെങ്ങമനാട് ഭാഗത്തു നിന്നും അമിതവേഗത്തിലെത്തിയ മാരുതി എര്ട്ടിഗയും ഗോവിന്ദിന്റെ ബുള്ളറ്റും കൂട്ടി ഇടിക്കുകയായിരുന്നു.
സംഭവസ്ഥലത്തു വെച്ച് തന്നെ ഗോവിന്ദ് മരിച്ചു. ഗുരുതരമായി പരിക്കേറ്റ ചൈതന്യ കൊട്ടാരക്കരയിലെ സ്വകാര്യ ആശുപത്രിയിൽ വെച്ചാണ് മരിച്ചത്. പത്തനാപുരം പനംപറ്റ സ്വദേശിയുടേതാണ് കാർ.
കാറിലുണ്ടായിരുന്നവര്ക്കും പരിക്കേറ്റിട്ടുണ്ട്. കുന്നിക്കോട് പോലീസ് കേസ് എടുത്ത് അന്വേഷണം ആരംഭിച്ചു.
Discussion about this post