തിരുവനന്തപുരം: പൊതുജനങ്ങൾക്ക് ബുദ്ധിമുട്ടുണ്ടാക്കുന്ന തരത്തിൽ പ്രവർത്തിക്കുന്നതും അടിസ്ഥാന സൗകര്യമില്ലാത്തതുമായ 96 മദ്യഷോപ്പുകൾ മാറ്റി സ്ഥാപിക്കാനുള്ള നടപടികൾ ആരംഭിച്ചു. ഹൈക്കോടതി നിർദേശപ്രകാരം നടത്തിയ പരിശോധനയിലാണ് മാറ്റി സ്ഥാപിക്കേണ്ട മദ്യശാലകൾ കണ്ടെത്തിയത്. മാറ്റി സ്ഥാപിക്കാൻ തീരുമാനിച്ച മദ്യശാലകളുടെ പട്ടിക പുറത്തു വിട്ടു.
തിരുവനന്തപുരം ജില്ലയിലെ പാറശാല, കാട്ടാക്കട,വട്ടിയൂർക്കാവ്, ബേക്കറി–മുക്കോല, കഴക്കൂട്ടം, നിലയ്ക്കമുക്ക്, വെഞ്ഞാറമൂട്, കൊല്ലം ജില്ലയിലെ പുത്തൂർ, കൊല്ലം, നെടുമൻകാവ്, ആയൂർ, പട്ടാഴി, ഓയൂർ, പത്തനംതിട്ടയിലെ കൊടുമൺ, ചിറ്റാർ, മല്ലപ്പള്ളി, പന്തളം, ആലപ്പുഴ ജില്ലയിലെ മുഹമ്മ, എടത്വ, തകഴി, നെടുമുടി, ചെങ്ങന്നൂർ, കൊല്ലക്കടവ്, മാവേലിക്കര, ഇടപ്പോൺ, ഹരിപ്പാട്, കായംകുളം, കോട്ടയം ജില്ലയിലെ കറുകച്ചാൽ, കാഞ്ഞിരപ്പള്ളി, കോടിമത, കാഞ്ഞിരപ്പള്ളി, നാഗമ്പടം, ഓൾഡ് ബോട്ട് ജെട്ടി, ഉഴവൂർ, രാമപുരം, വൈക്കം, ഇടുക്കി ജില്ലയിലെ കരിമണ്ണൂർ, മൂന്നാർ, തൂക്കുപാലം, രാജകുമാരി, എറണാകുളം ജില്ലയിലെ ബാനർജി റോഡ് കണ്സ്യൂമർഫെഡ്, തോപ്പുംപടി കൺസ്യൂമർഫെഡ്, പാലരിവട്ടം കൺസ്യൂമർഫെഡ്, പാടിവട്ടം, കളമശേരി, ആലങ്ങാട്, ഇലഞ്ഞി, രാമമംഗലം, കലൂർ, കടവന്ത്ര, പച്ചാളം, ഹൈകോർട്ട് ഔട്ട്ലറ്റ്, തോപ്പുംപടി, മഞ്ഞപ്ര, പെരുമ്പാവൂർ, കുറുപ്പമ്പടി, മൂവാറ്റുപുഴ, തൃശൂർ ജില്ലയിലെ കുറുപ്പം റോഡ്, നായങ്ങാടി, ശക്തൻ, കൊക്കോല, പെരിങ്ങാവൂർ, പൂത്തോല, നെടുമ്പൽ, ചാലക്കുടി, കൊരട്ടി, മേലൂർ, പാലക്കാട് ജില്ലയിലെ പഴയ പാലക്കാട്, കൊപ്പം, വടക്കാഞ്ചേരി, കൊടുവായൂർ, മടപ്പല്ലൂർ, ഒറ്റപ്പാലം, കൊലപ്പുള്ളി, മലപ്പുറം ജില്ലയിലെ മഞ്ചേരി, തിരൂർ, മലപ്പുറം, കുറ്റിപ്പാല, നിലമ്പൂർ, എടക്കര, മലപ്പുറം, ചമ്രവട്ടം, പെരിന്തൽമണ്ണ, കോഴിക്കോട്ടെ പേരാമ്പ്ര, കൊട്ടക്കടവ്, രാമനാട്ടുകര, കരിക്കംകുള, വയനാട് ജില്ലയിലെ മാനന്തവാടി, പനമരം, കണ്ണൂർ ജില്ലയിലെ തലശേരി, തവക്കര, തവം, കൂത്തുപറമ്പ്, കാസർകോട് ജില്ലയിലെ കാസർകോട് എന്നീ മദ്യശാലകളാണ് മാറ്റി സ്ഥാപിക്കുന്നത്.
അടിസ്ഥാന സൗകര്യങ്ങളില്ലാത്തതും ഗതാഗതക്കുരുക്കിനു കാരണമാകുന്നതാണ് മദ്യശാലകൾ മാറ്റാനുള്ള പ്രധാന കാരണം.
