നിലമ്പൂര് എം.എല്.എ പി.വി അന്വറിനെ വീണ്ടും മണ്ഡലത്തില് കാണാനില്ലെന്ന് പരാതി. ബിസിനസ് ആവശ്യാര്ത്ഥം ആഫ്രിക്കയിലെ സിയെറ ലിയോണിലാണ് പി.വി അന്വര് നിലവിലുള്ളത്. കോവിഡ് സാഹചര്യം നില നില്ക്കുന്നതിനാല് ഉടനെയൊന്നും മണ്ഡലത്തില് തിരിച്ചെത്തില്ലെന്നാണ് ലഭിക്കുന്ന വിവരം.
തെരഞ്ഞെടുപ്പ് വിജയത്തിന് ശേഷം ഇക്കഴിഞ്ഞ ജൂണിലാണ് പി.വി അന്വര് ആഫ്രിക്കയിലേക്ക് തിരികെ പോയത്. നിയമസഭാ സമ്മേളനത്തിലടക്കം പി.വി അന്വര് പങ്കെടുത്തിരുന്നില്ല. എം.എല്.എയുടെ ഔദ്യോഗിക നമ്പറും മാധ്യമങ്ങള്ക്കടക്കം ലഭ്യമല്ല, സ്വിച്ച്ഡ് ഓഫാണെന്നാണ് ലഭിക്കുന്ന മറുപടി. എം.എല്.എയെ കാണാനില്ലെന്ന പരാതി പ്രതിപക്ഷ കക്ഷിക്കളടക്കം ഉയര്ത്തിയിട്ടുണ്ട്.
തെരഞ്ഞെടുപ്പിന് മുമ്പ് മണ്ഡലത്തിലെ എം.എല്.എയുടെ അസാന്നിധ്യം വലിയ രാഷ്ട്രീയ വിവാദങ്ങള്ക്ക് വഴിവെച്ചിരുന്നു.
Discussion about this post