ഡൽഹി: കൊവിഡ് പ്രതിസന്ധിയിൽ സംസ്ഥാന സർക്കാരിനും മുഖ്യമന്ത്രി പിണറായി വിജയനുമെതിരെ രൂക്ഷ വിമർശനവുമായി കേന്ദ്ര മന്ത്രി വി മുരളീധരൻ. ജനങ്ങളുടെ ജീവൻ സംരക്ഷിക്കുന്നതിൽ സംസ്ഥാന സർക്കാർ പരാജയപ്പെട്ടുവെന്ന് അദ്ദേഹം കുറ്റപ്പെടുത്തി. മുഖ്യമന്ത്രിയുടെ യുക്തിയില്ലാത്ത കൊവിഡ് നയങ്ങളും മാധ്യമ പ്രചാരണങ്ങളും രാജ്യത്തിന് തന്നെ തലവേദനയായെന്നും അദ്ദേഹം പറഞ്ഞു.
രാജ്യത്ത് ഇന്നലെ 37,593 കേസുകൾ റിപ്പോർട്ട് ചെയ്തപ്പോൾ കേരളത്തിൽ മാത്രമാണ് 24,296 കേസുകളും 173 മരണങ്ങളും റിപ്പോർട്ട് ചെയ്തതെന്ന് കേന്ദ്ര മന്ത്രി ചൂണ്ടിക്കാട്ടി.
കഴിഞ്ഞയാഴ്ച കേന്ദ്ര ആരോഗ്യ മന്ത്രി മൻസുഖ് മാണ്ഡവ്യയും സംഘവും കേരളം സന്ദർശിച്ച് മുഖ്യമന്ത്രിയുമായും ആരോഗ്യ മന്ത്രിയുമായും കൂടിക്കാഴ്ച നടത്തിയിരുന്നു.
Discussion about this post