തിരുവനന്തപുരം: രാജ്യത്ത് കൊവിഡ് വ്യാപനം ഏറ്റവും രൂക്ഷമായ സംസ്ഥാനമായി കേരളം തുടരുമ്പോഴും സഞ്ചാരികളെ സംസ്ഥാനത്തേക്ക് ക്ഷണിച്ച് ടൂറിസം വകുപ്പ്. നിങ്ങൾ യഥാർത്ഥ സഞ്ചാരികൾ ആണെങ്കിൽ തീർച്ചയായും കേരളത്തിലെ കായലുകൾ സന്ദർശിക്കണം എന്നതാണ് ട്വീറ്റ്.
എന്നാൽ കഴിഞ്ഞ ദിവസം സംസ്ഥാനത്ത് 31,145 പേർക്കാണ് കൊവിഡ് സ്ഥിരീകരിച്ചത്. സംസ്ഥാനത്തെ ടെസ്റ്റ് പോസിറ്റിവിറ്റി നിരക്ക് 19.03 ശതമാനമാണ്. ഈ സാഹചര്യത്തിൽ സംസ്ഥാന ടൂറിസം വകുപ്പിന്റെ ട്വീറ്റിനെ പരിഹസിച്ച് സാമൂഹിക മാധ്യമങ്ങളിൽ നിരവധി പേർ രംഗത്തെത്തി.
‘തീർച്ചയായും കേരളത്തിലേക്ക് വരും, ആദ്യം ഇന്നലത്തെ മുപ്പത്തോരായിരം എന്ന നിരക്ക് നിയന്ത്രിക്കൂ‘ എന്നാണ് ഒരാൾ അഭിപ്രായപ്പെട്ടത്. ഇന്നലെ മുപ്പത്തോരായിരം പേർക്ക് രോഗം ബാധിച്ചപ്പോഴും നിങ്ങൾ ടൂറിസം പ്രചരിപ്പിക്കുന്നുവെന്ന് മറ്റൊരാൾ ആശ്ചര്യപ്പെടുന്നു. ഏതായാലും ട്രോളുകൾ നിരന്നതോടെ ട്വീറ്റ് മുക്കി ടൂറിസം വകുപ്പ് തടിതപ്പി.
Discussion about this post