ഡൽഹി: ഇന്ത്യയിൽ ഖിലാഫത്ത് ഭരണം സ്ഥാപിക്കലാണ് കബൂൾ വിമാനത്താവളത്തിൽ കഴിഞ്ഞ ദിവസം സ്ഫോടനം നടത്തിയ ഐഎസ്-കെയുടെ ലക്ഷ്യങ്ങളിലൊന്നെന്ന് ഇന്റലിജൻസ് റിപ്പോർട്ട്. ഇസ്ലാമിക് സ്റ്റേറ്റിന്റെ ഉപസംഘടനയായ ഐഎസ്-കെ മധ്യേഷ്യയിലും പിന്നീട് ഇന്ത്യയിലും ചുവടുറപ്പിക്കാനാണ് ലക്ഷ്യമിടുന്നതെന്നാണ് രഹസ്യാന്വേഷണ റിപ്പോർട്ട്. ദേശീയ മാധ്യമമാണ് ഇക്കാര്യം പുറത്ത് വിട്ടിരിക്കുന്നത്.
ആശയപരമായി ഖിലാഫത്ത് ഭരണം സ്ഥാപിക്കുകയാണ് ഇവരുടെ ലക്ഷ്യം. അതില് ഇന്ത്യയും ഉള്പ്പെടുന്നു. തീവ്രവാദ ആക്രമണങ്ങള് നടത്തുന്നതും യുവാക്കളെ റിക്രൂട്ട് ചെയ്യുന്നതും ഇവരുടെ മുഖ്യ അജണ്ടയാണ്.
കേരളത്തില് നിന്നും മുംബൈയില് നിന്നുമുള്ള യുവാക്കള് ഇസ്ലാമിക് സ്റ്റേറ്റ് ഖൊറാസനിൽ ചേര്ന്നിട്ടുണ്ടെന്നും തീവ്രചിന്താഗതിക്കാരായ ചില വ്യക്തികള്ക്കിടയില് സ്വാധീനം ചെലുത്തുന്നുണ്ടെന്നും റിപ്പോർട്ടിൽ പറയുന്നു. ഇന്ത്യയിൽ ഇവർക്ക് ആജ്ഞ കാത്ത് കഴിയുന്ന നിരവധി സ്ലീപ്പർ സെല്ലുകൾ ഉണ്ടെന്നും റിപ്പോർട്ടിൽ വ്യക്തമാക്കുന്നു.
