ടോക്കിയോ: ടോക്കിയോയില് നടക്കുന്ന പാരാലിംപിക്സില് ഇന്ത്യയ്ക്ക് വീണ്ടും വെള്ളിത്തിളക്കം. പുരുഷന്മാരുടെ ഹൈജംപില്(ടി46/47) വിഭാഗത്തില് നിഷാദ് കുമാറാണ് ഇന്ത്യയ്ക്കായി വെള്ളിമെഡല് ഉയര്ത്തിയത്. ഫൈനലില് നിഷാദിന്റെ തന്നെ ഏഷ്യന് റെക്കോര്ഡായ 2.06 മീറ്റര് ചാടിയാണ് രാജ്യത്തിന് അഭിമാനമായത്.
ഇതേ ഇനത്തില് ഇന്ത്യയുടെ റാം പാല് അഞ്ചാം സ്ഥാനത്ത് എത്തി. 2.06 മീറ്റര് തന്നെ ചാടിയ അമേരിക്കയുടെ ഡല്ലാസ് വൈസും നിഷാദിനൊപ്പം വെള്ളി മെഡല് പങ്കിട്ടു. പുതിയ ലോക റെക്കോര്ഡ് സ്ഥാപിച്ച് 2.15 മീറ്റര് ചാടിയ അമേരിക്കയുടെ തന്നെ റോഡ്രിക് ടൗണ്സെന്ഡ് ആണ് സ്വര്ണം സ്വന്തമാക്കിയത്.
പാരാലിംപിക്സില് ഇന്ത്യയുടെ രണ്ടാം മെഡല് നേട്ടമാണിത്. ടേബിള് ടെന്നീസില് വെള്ളി നേടിയ ഭാവിനാബെന് പട്ടേലാണ് ഇന്ത്യയ്ക്കായി ആദ്യ മെഡല് നേടിയത്.
