തിരുവനന്തപുരം: മൂന്നാറിലെ പൊമ്പിളൈ ഒരുമൈ പ്രവര്‍ത്തകര്‍ ഇന്നു മുഖ്യമന്ത്രി ഉമ്മന്‍ ചാണ്ടിയുമായി കൂടിക്കാഴ്ച നടത്തി
രാവിലെ ക്ലിഫ് ഹൗസിലായിരുന്നു കൂടിക്കാഴ്ച
മുഖ്യമന്ത്രി മുന്നോട്ട് വച്ച പാക്കേജില്‍ സന്തോഷമുണ്ടെന്ന് പൊമ്പിളൈ ഒരുമൈ പ്രവര്‍ത്തകര്‍ പറഞ്ഞു. പാക്കേജ് സ്വീകരിക്കാന്‍ തയ്യാറാണ്. കൂലി കൂട്ടി കൊണ്ടുള്ള തീരുമാനം ഇന്ന് ഉണ്ടാകുമെന്നാണ് പ്രതീക്ഷ.
തൊഴിലാളികളുടെ വേതനം 500 രൂപയാക്കുന്നതുമായി ബന്ധപ്പെട്ട വിഷയത്തില്‍ പ്ലാന്റേഷന്‍ ലേബര്‍ കമ്മിറ്റിയുടെ യോഗവും ഇന്ന് നടക്കും. ഇതിന് മുന്നോടിയായാണ് പൊമ്പിളൈ ഒരുമൈ പ്രവര്‍ത്തകര്‍ മുഖ്യമന്ത്രിയുമായി കൂടിക്കാഴ്ച നടത്തിയത്.
കൂലി 500 രൂപയാക്കി വര്‍ദ്ധിപ്പിക്കാനാവില്ല എന്ന നിലപാടിലാണ് തോട്ടം ഉടമകള്‍.വിട്ടുവീഴ്ചയ്ക്ക് തയ്യാറല്ലെന്ന് ട്രേഡ് യൂണിയനുകളും നിലപാടെടുക്കുന്നു.
Discussion about this post