ചെന്നൈ: കേരളത്തില് നിപ റിപ്പോര്ട്ട് ചെയ്ത സാഹചര്യത്തില് തമിഴ്നാട് സര്ക്കാര് അതിര്ത്തികളില് പരിശോധന കര്ശനമാക്കി . വടക്കന് ജില്ലകളില് നിന്ന് തമിഴ്നാട്ടിലേക്ക് എത്തുന്നവര് വാളയാര് ഉള്പ്പടെയുള്ള ചെക്പോസ്റ്റുകളില് കൂടുതല് പരിശോധനയ്ക്ക് വിധേയരാകണം.
രണ്ട് വാക്സിനെടുത്തതിന്റെ സാക്ഷ്യപത്രം ഉള്പ്പടെയുള്ള രേഖകള് കൈവശമില്ലെങ്കില് യാത്രക്കാരെ മടക്കി അയയ്ക്കുകയല്ലാതെ വേറെ മാര്ഗമില്ലെന്ന് കോയമ്പത്തൂര് കലക്ടര് ഡോ ജി എസ് സമീരന് പറഞ്ഞു. നിപയുടെ തീവ്രത കണക്കിലെടുത്ത് വിട്ടുവീഴ്ച വേണ്ടെന്നാണ് തമിഴ്നാടിന്റെ തീരുമാനം.
കേരളത്തില് നിന്ന് എത്തിയ തമിഴ്നാട് രജിസ്ട്രേഷനിലുള്ള വാഹനങ്ങളുള്പ്പടെ വാളയാറില് നിന്ന് തിരിച്ചയച്ചു. പരിശോധനയ്ക്കായി കൂടുതല് ഉദ്യോഗസ്ഥരെ അതിര്ത്തിയില് നിയോഗിച്ചിട്ടുണ്ട്. താപപരിശോധന നടത്തുന്നുണ്ട്.
Discussion about this post