ഡല്‍ഹി: പഞ്ചാബ് സ്വദേശികളായ മൂന്ന് വനിതാ കര്‍ഷകര്‍ ട്രക്ക് ഇടിച്ച്‌ മരിച്ചു. ഹരിയാനയിലെ ബഹദൂര്‍ഘട്ടില്‍ ഇന്ന് രാവിലെ ആറരയോടെയായിരുന്നു അപകടം. കര്‍ഷക സമരത്തില്‍ പങ്കെടുത്ത് മടങ്ങിയവരാണ് അപകടത്തില്‍പ്പെട്ടതെന്നാണ് സൂചന.
സംഭവത്തില്‍ പൊലീസ് അന്വേഷണം ആരംഭിച്ചു. രണ്ട് സ്ത്രീകള്‍ സംഭവ സ്ഥലത്തുവച്ചും, ഒരാള്‍ ആശുപത്രിയില്‍ വച്ചുമാണ് മരിച്ചത്. ട്രക്കിന്റെ ഡ്രൈവര്‍ സംഭവ സ്ഥലത്തു നിന്ന് ഓടിരക്ഷപ്പെട്ടതായി പൊലീസ് അറിയിച്ചു.
ഡല്‍ഹി- ഹരിയാന അതിര്‍ത്തിയില്‍ കര്‍ഷകരുടെ പ്രതിഷേധം നടക്കുന്നതിന് സമീപമായിരുന്നു അപകടം. അമിതവേഗതയില്‍ പാഞ്ഞു വന്ന ട്രക്ക്, ഓട്ടോറിക്ഷയ്ക്കായി കാത്തു നില്‍ക്കുകയായിരുന്ന സ്ത്രീകളെ ഇടിക്കുകയായിരുന്നുവെന്നാണ് റിപ്പോര്‍ട്ടുകള്‍.
Discussion about this post