അബുദാബി: പുരുഷ ഫ്രാഞ്ചൈസി ക്രിക്കറ്റ് ടീമിനെ പരിശീലിപ്പിക്കുന്ന ആദ്യ വനിതയെന്ന നേട്ടം സ്വന്തമാക്കി മുന് ഇംഗ്ലണ്ട് വിക്കറ്റ് കീപ്പര് ബാറ്റര് സാറ ടെയ്ലര്. നവംബര് 19-ന് ആരംഭിക്കുന്ന അബുദാബി ടി10 ലീഗില് ടീം അബുദാബിയുടെ സഹപരിശീലകയായി നിയമിതയായതോടെയാണ് സാറയ്ക്ക് ഈ നേട്ടം സ്വന്തമായത്. 32-കാരിയായ സാറ 2006-ലാണ് ഇംഗ്ലണ്ടിനായി അരങ്ങേറ്റം കുറിച്ചത്. 10 ടെസ്റ്റുകളും 126 ഏകദിനങ്ങളും 90 ട്വന്റി 20 മത്സരങ്ങളും ടീമിനായി കളിച്ചു.
നേരത്തെ കൗണ്ടി ക്ലബ്ബ് സസെക്സില് വനിതാ സ്പെഷ്യലൈസ്ഡ് കോച്ചായിരുന്നു സാറ. എക്കാലത്തെയും മികച്ച വിക്കറ്റ് കീപ്പര്മാരില് ഒരാളായാണ് താരം അറിയപ്പെടുന്നത്. ടി10 ലീഗിലെ തന്റെ പങ്കാളിത്തം ലോകമെമ്പാടുമുള്ള വനിതകള്ക്ക് പ്രചോദനമാകുമെന്ന് കരുതുന്നതായി സാറ പ്രതികരിച്ചു.
Discussion about this post