ഡൽഹി: സൈനിക ഹെലികോപ്ടർ ദുരന്തത്തിൽ ഏറ്റവും ഒടുവിൽ കൊല്ലപ്പെട്ട ഗ്രൂപ്പ് ക്യാപ്ടൻ വരുൺ സിംഗിന്റെ നിര്യാണത്തിൽ അനുശോചനം രേഖപ്പെടുത്തി പ്രധാനമന്ത്രി നരേന്ദ്ര മോദി.
Group Captain Varun Singh served the nation with pride, valour and utmost professionalism. I am extremely anguished by his passing away. His rich service to the nation will never be forgotten. Condolences to his family and friends. Om Shanti.
— Narendra Modi (@narendramodi) December 15, 2021
‘അഭിമാനത്തോടെയും ധീരതയോടെയും ക്രിയാത്മകതയോടെയും ഗ്രൂപ്പ് ക്യാപ്ടൻ വരുൺ സിംഗ് രാജ്യസേവനം ചെയ്തു. അദ്ദേഹത്തിന്റെ വിയോഗത്തിൽ അഗാധമായ ദു:ഖം രേഖപ്പെടുത്തുന്നു. രാജ്യത്തിന് അദ്ദേഹം നൽകിയ ഉദാത്തമായ സംഭാവനകൾ എക്കാലവും ഓർമ്മിക്കപ്പെടും. അദ്ദേഹത്തിന്റെ ബന്ധു മിത്രാദികളെ അനുശോചനം അറിയിക്കുന്നു.‘ പ്രധാനമന്ത്രി ട്വീറ്റ് ചെയ്തു.
സൈനിക ഹെലികോപ്ടർ ദുരന്തത്തിൽ നിന്നും രക്ഷപ്പെട്ട് ചികിത്സയിലായിരുന്ന ഗ്രൂപ്പ് ക്യാപ്ടൻ വരുൺ സിംഗ് ഇന്ന് രാവിലെയാണ് അന്തരിച്ചത്. ഹെലികോപ്ടർ ദുരന്തത്തിൽ ഗുരുതരമായി പരിക്കേറ്റ അദ്ദേഹം ബംഗലൂരുവിലെ കമാൻഡ് ആശുപത്രിയിൽ ചികിത്സയിലായിരുന്നു.
