ഡൽഹി: ഒമിക്രോൺ- കൊവിഡ് വ്യാപനങ്ങൾ വർദ്ധിക്കുന്ന സാഹചര്യത്തിൽ ഡൽഹിയിൽ കടുത്ത നിയന്ത്രണങ്ങൾ ഏർപ്പെടുത്തി. തലസ്ഥാനത്ത് യെല്ലോ അലർട്ട് പ്രഖ്യാപിച്ചതായി മുഖ്യമന്ത്രി അരവിന്ദ് കെജരിവാൾ പറഞ്ഞു.
ഇതനുസരിച്ച് സ്കൂളുകളും കോളേജുകളും അടച്ചു. കടകൾക്ക് ഒന്നിടവിട്ട ദിവസങ്ങളിൽ മാത്രമാണ് പ്രവർത്തനാനുമതി. റെസ്റ്റോറന്റുകളിലും മെട്രോയിലും പകുതിപ്പേർക്ക് മാത്രമേ പ്രവേശനാനുമതി ഉള്ളൂ.
നീന്തൽക്കുളങ്ങൾ, ജിം, തിയേറ്റർ എന്നിവ അടച്ചു. മാളുകളുടെ പ്രവർത്തനം ഒന്നിടവിട്ട ദിവസങ്ങളിൽ മാത്രമാക്കി ചുരുക്കി. വിവാഹങ്ങളിലെ ആൾക്കൂട്ടങ്ങൾക്കും നിയന്ത്രണം ഏർപ്പെടുത്തി.
ഒമിക്രോൺ വ്യാപനത്തിന്റെ പശ്ചാത്തലത്തിൽ കേന്ദ്ര സർക്കാർ നിർദേശ പ്രകാരം ഡൽഹിയിൽ രാത്രികാല കർഫ്യൂ നിലവിലുണ്ട്.
Discussion about this post