ചെന്നൈ: ആരാധകരെ ഞെട്ടിച്ച് തമിഴ് നടൻ ധനുഷും ഭാര്യ ഐശ്വര്യ രജനികാന്തും വിവാഹ മോചിതരാകുന്നു. പതിനെട്ട് വർഷം നീണ്ടു നിന്ന ദാമ്പത്യത്തിന് തിരശ്ശീല വീണതായി ധനുഷ് തന്നെയാണ് കഴിഞ്ഞ ദിവസം സാമൂഹിക മാധ്യമത്തിലൂടെ വെളിപ്പെടുത്തിയത്.വിവാഹ മോചന വാർത്തയോട് ഞെട്ടലോടെയാണ് ആരാധകരും സിനിമാ ലോകവും പ്രതികരിച്ചത്.
ഈ അവസരത്തിൽ തങ്ങളെ പിന്തുണയ്ക്കണമെന്ന് ധനുഷും ഐശ്വര്യയും ആരാധകരോട് അഭ്യർത്ഥിച്ചു. തങ്ങളുടെ സ്വകാര്യതയെ മാനിക്കണമെന്നും മാധ്യമങ്ങളോട് അവർ പറഞ്ഞു.
പതിനെട്ട് വർഷം സുഹൃത്തുക്കളായും ദമ്പതികളായും മാതാപിതാക്കളായും അഭ്യുദയാകാംക്ഷികളായും ഒരുമിച്ച് നിന്നു. ഈ യാത്ര തീർച്ചയായും വളർച്ചയുടെയും പരസ്പര ധാരണയുടെയും സഹകരണത്തിന്റേതും ആയിരുന്നു. എന്നാൽ ഇന്ന് വേർപിരിയലിന്റെ പാതയിൽ നിൽക്കുകയാണ്. ഭാര്യാ ഭർത്താക്കന്മാർ എന്ന നിലയിലെ ഞങ്ങളുടെ ജീവിതം അവസാനിക്കുകയാണെന്നും പരസ്പരം മനസ്സിലാക്കുന്ന രണ്ട് വ്യക്തികളുടെ തീരുമാനമാണ് ഇതെന്നും ധനുഷ് കുറിപ്പിൽ പറയുന്നു.
Discussion about this post