തൃശൂർ: അടുത്തയിടെ നവീകരിച്ച ചാമക്കാല സർക്കാർ യു പി സ്കൂളിലെ ടോയ്ലറ്റ് പണി വിവാദമാകുന്നു. ഒരേ സമയം നാല് പേർക്ക് ഉപയോഗിക്കാവുന്ന തരത്തിലാണ് ശുചിമുറിയിൽ ക്ലോസറ്റ് പണിതിരിക്കുന്നത്. അടുത്തടുത്തായി രണ്ട് യൂറോപ്യൻ ക്ലോസറ്റുകളും അതിന് അഭിമുഖമായി രണ്ട് സാദാ ക്ലോസറ്റുകളുമാണ് സജ്ജീകരിച്ചിരിക്കുന്നത്.
You might have laughed at 'You had one job' memes, but for us in Kerala, under the corrupt CPM rule, such situations are the hard realities of life!
This recently renovated Govt UP School at Chamakkala, Thrissur can accommodate 4 people at the same time inside the same toilet!! pic.twitter.com/RU1ZjX43iW
— നചികേതസ് (@nach1keta) January 29, 2022
ഒരേ സമയം എങ്ങനെയാണ് ഒരു ശുചിമുറി നാല് പേർ ഉപയോഗിക്കുക എന്നാണ് നാട്ടുകാരും രക്ഷകർത്താക്കളും ചോദിക്കുന്നത്. ശുചിമുറി നിർമാണത്തിന്റെ പേരിൽ നടത്തിയ ലക്ഷങ്ങളുടെ അഴിമതിയാണ് ഈ അബദ്ധ നിർമാണത്തിലൂടെ വെളിപ്പെടുന്നത് എന്ന് പൊതുപ്രവർത്തകർ ചൂണ്ടിക്കാട്ടുന്നു.
വിവാദ ശുചിമുറിയുടെ ചിത്രങ്ങളും വീഡിയോകളും സാമൂഹിക മാധ്യമങ്ങളിൽ പ്രചരിച്ചതോടെ ട്രോളന്മാർ സംഭവം ആഘോഷിക്കുകയാണ്. മലയാളിക്ക് മാത്രം കഴിയുന്ന പല അഭ്യാസങ്ങളിലും കുട്ടികൾക്ക് ചെറുപ്പത്തിലേ പരിശീലനം നൽകുന്നതിന്റെ ഭാഗമാണ് ഇത്തരം നിർമ്മിതികളെന്ന് ചിലർ അഭിപ്രായപ്പെടുന്നു.
