ഡൽഹി: വടക്ക് കിഴക്കൻ സംസ്ഥാനങ്ങളിലെ ഗതാഗത സൗകര്യങ്ങൾ മെച്ചപ്പെടുത്തുന്നതിന് അതിവേഗ പദ്ധതി തയ്യാറാക്കുമെന്ന് ധനമന്ത്രി നിർമ്മല സീതാരാമൻ പറഞ്ഞു. പ്രധാനമന്ത്രി ഗതിശക്തി പദ്ധതിക്ക് സമഗ്ര മാസ്റ്റർ പ്ലാൻ തയ്യാറാക്കും. ഒരു വർഷത്തിനുള്ളിൽ ഇരുപത്തയ്യായിരം കിലോമീറ്റർ എക്സ്പ്രസ് വേകൾ പൂർത്തിയാക്കും.
രാജ്യത്തെ എല്ലാവർക്കും പാർപ്പിടവും വെള്ളവും ഊർജ്ജവുമാണ് കേന്ദ്ര സർക്കാരിന്റെ ലക്ഷ്യം. കൊവിഡ് ദുരിതം ബാധിച്ചവർക്കും പിന്തുണ ഉറപ്പാക്കുമെന്ന് ധനമന്ത്രി പറഞ്ഞു. റെയിൽവേയിൽ ഒരു സ്റ്റേഷൻ, ഒരു ഉത്പന്നം പദ്ധതി നടപ്പിലാക്കും.
അഞ്ച് നദീ സംയോജന പദ്ധതി ഉടൻ നടപ്പിലാക്കും. എൽ ഐ സി സ്വകാര്യവത്കരണം ഉടൻ നടപ്പിലാക്കും. താങ്ങുവില ഇനത്തിൽ 2.7 ലക്ഷം കോടി രൂപ കർഷകരുടെ അക്കൗണ്ടുകളിൽ എത്തിക്കുമെന്നും ധനകാര്യ മന്ത്രി നിർമ്മല സീതാരാമൻ ബജറ്റ് പ്രസംഗത്തിൽ വ്യക്തമാക്കി.
Discussion about this post