ഹരിയാനയിലെ ഗര്‍ജ്ജോണില്‍ ഗോരക്ഷക് വെടിയേറ്റുമരിച്ചതായി റിപ്പോര്‍ട്ട്. പഴുപരിപാലകനായ സന്ദീപ് കദാരിയ എന്ന 32 കാരാനാണ് വെടിയേറ്റ് മരിച്ചത്. പശു വളര്‍ത്തല്‍ കേന്ദ്രത്തിന് സമീപം വച്ച് അജ്ഞാതര്‍ സന്ദീപിന് നേരെ മൂന്ന് തവണ വെടി ഉതിര്‍ക്കുകയായിരുന്നുവെന്ന് മുതിര്‍ന്ന പോലിസ് ഉദ്യോഗസ്ഥരെ ഉദ്ധരിച്ച് ചില മാധ്യമങ്ങള്‍ റിപ്പോര്‍ട്ട് ചെയ്തു.
ഗര്‍ജ്ജോണില്‍ ഗോരക്ഷക് ദള്‍ നടത്തുന്ന സന്ദീപിനെ സെക്ടര്‍ 38ലുള്ള സ്വകാര്യ ആശുപത്രിയില്‍ എത്തിച്ചുവെങ്കിലും രക്ഷപ്പെടുത്താനായില്ല.
സമീപത്തെ മാട് കവര്‍ച്ച സംഘത്തിനെതിരെ പോരാട്ടം നടത്തുന്ന മുനിസിപ്പല്‍ കൗണ്‍സിലര്‍ ലഖ്പത് കതാരിയയുടെ അടുത്ത ബന്ധുവാണ് കൊല്ലപ്പെട്ട
സന്ദീപ്. കഴിഞ്ഞ വര്‍ഷം ലഖ്പത് കതാറിയ്ക്ക് നേരെയും ആക്രമണം ഉണ്ടായിരുന്നു. വെടിവെപ്പില്‍ ഗുരുതരമായി പരിക്കേറ്റ കതാരിയ ഭാഗ്യത്തിനാണ് അന്ന് രക്ഷപ്പെട്ടത്.
സംഭവത്തില്‍ അന്വേഷണം ആരംഭിച്ചതായി പോലിസ് വൃത്തങ്ങള്‍ അറിയിച്ചു.
Discussion about this post