ഡൽഹി: രാജ്യത്തെ ജനങ്ങൾ ആത്മാഭിമാനത്തോടെ അവരവരുടെ മാതൃഭാഷയിൽ സംസാരിക്കണമെന്ന് പ്രധാനമന്ത്രി നരേന്ദ്ര മോദി. പ്രതിമാസ റേഡിയോ പരിപാടിയായ മൻ കി ബാത്തിൽ സംസാരിക്കുകയായിരുന്നു അദ്ദേഹം.
ലോകത്തിലെ ഏറ്റവും പഴയ ഭാഷകളിൽ ഒന്നാണ് തമിഴ്. 2019ൽ ലോകത്ത് ഏറ്റവും കൂടുതൽ ആളുകൾ ഉപയോഗിക്കുന്ന സംസാര ഭാഷ എന്ന പദവി ഹിന്ദിക്ക് ലഭിച്ചിരുന്നു. പ്രധാനമന്ത്രി ചൂണ്ടിക്കാട്ടി.
നമ്മുടെ മാതൃഭാഷകൾ ഇത്രയും മഹത്വമുള്ളവയാണ്. ഇന്ത്യയിലെ ഭാഷാ വൈവിധ്യം താരതമ്യത്തിന് അതീതമാണ്. പല ഭാഷ, ഒരു സംസ്കാരം എന്നതാണ് നമ്മുടെ സവിശേഷത. നമ്മുടെ ഭഷകൾ നൂറ്റാണ്ടുകളായി പരിണാമത്തിന് വിധേയമായി സ്വയം നവീകരിച്ച് കൊണ്ടിരിക്കുകയാണെന്ന് പ്രധാനമന്ത്രി പറഞ്ഞു.
121 മാതൃഭാഷാ രൂപങ്ങൾ ഇന്ത്യയിൽ ഉണ്ട്. ഇവയിൽ 14 എണ്ണം പ്രതിദിനം ഒരു കോടിയിലധികം ആളുകൾ സംസാരിക്കുന്നവയാണ്. ഭാഷാ മാതാവായ സംസ്കൃതവും ഇന്ത്യൻ ഭാഷാ വൈവിധ്യത്തിന്റെ അടിസ്ഥാനമാണെന്ന് പ്രധാനമന്ത്രി വ്യക്തമാക്കി.
Discussion about this post