ലഖ്നൗ: ഉത്തർ പ്രദേശിൽ മുന്നൂറ് സീറ്റുകളും കടന്ന് ബിജെപി മുന്നേറ്റം. നിലവിലെ ലീഡ് നില അനുസരിച്ച് 306 സീറ്റുകളിൽ ബിജെപിയും 86 സീറ്റുകളിൽ സമാജ് വാദി പാർട്ടിയും 3 സീറ്റുകളിൽ ബിഎസ്പിയും 3 ഇടത്ത് കോൺഗ്രസും മുന്നിട്ട് നിൽക്കുന്നു.
ഉത്തർ പ്രദേശിൽ എല്ലാ പ്രവചനങ്ങൾക്കും മുകളിൽ നിൽക്കുന്ന പ്രകടനമാണ് ബിജെപി കാഴ്ചവെക്കുന്നത്. കലാപത്തിന് ചില രാഷ്ട്രീയ പാർട്ടികൾ കോപ്പുകൂട്ടി എന്ന ആരോപണം നിലനിൽക്കുന്ന ഹാഥ്രസിലെ മൂന്ന് സീറ്റുകളിലും ബിജെപിയാണ് മുന്നിൽ. അയോധ്യയിലും ബിജെപിക്കാണ് മുൻതൂക്കം.
യോഗി ആദിത്യനാഥ് മന്ത്രിസഭയിൽ അംഗങ്ങളായിരുന്ന മുഴുവൻ ബിജെപി സ്ഥാനാർത്ഥികളും മുന്നിട്ട് നിൽക്കുകയാണ്. ഉത്തർ പ്രദേശിൽ ഭരണവിരുദ്ധ തരംഗമില്ല എന്നതിന്റെ വ്യക്തമായ സൂചനയായാണ് ഇത് വിലയിരുത്തപ്പെടുന്നത്. മുഖ്യമന്ത്രി യോഗി ആദിത്യനാഥ് ഗൊരഖ്പുരിൽ മികച്ച വിജയത്തിലേക്ക് നീങ്ങുന്നതായാണ് സൂചന.
Discussion about this post