തിരുവനന്തപുരം: മാദ്ധ്യമ പ്രവർത്തകയോട് അശ്ലീല ചുവയോടെ സംസാരിച്ച നടൻ വിനായകനോട് മൗനം തുടർന്ന് സാംസ്കാരിക നായകർ. സാംസ്കാരിക നായകർ എന്ന് അവകാശപ്പെടുന്ന വിഭാഗത്തിന്റെ ഇരട്ടത്താപ്പ് പൊളിച്ചടുക്കി സാമൂഹിക മാധ്യമങ്ങളിൽ പ്രതികരണങ്ങൾ നിറഞ്ഞതോടെ പ്രതികരിച്ചുവെന്ന് വരുത്തി തീർക്കാൻ ഒറ്റവാക്കിൽ പ്രതികരണവുമായി നടി പാർവതി തിരുവോത്ത് രംഗത്ത് വന്നു. ഇൻസ്റ്റഗ്രാമിലൂടെയായിരുന്നു പാർവതിയുടെ പ്രതികരണം.
‘നാണക്കേട്‘ എന്ന ഒറ്റവാക്കിൽ പ്രതികരണം ഒതുക്കുകയായിരുന്നു നടി. ഇൻസ്റ്റഗ്രാം സ്റ്റോറിയിൽ വിനായകന്റെ ചിത്രത്തോടൊപ്പമായിരുന്നു പാർവ്വതിയുടെ ‘പ്രതികരണം. ചിത്രത്തിന് മുകളിലായി ‘ ഷെയിം ‘ എന്നായിരുന്നു താരം എഴുതിയത്. ഇതിനെ അനുകൂലിച്ചും പ്രതികൂലിച്ചും നിരവധി പേർ രംഗത്ത് വന്നു.
പാർവതിയുടെ പ്രതികരണം വിഷയത്തിലെ അവരുടെ നിലപാട് വ്യക്തമാക്കാൻ പര്യാപ്തമാണ് എന്നാണ് ഒരു വിഭാഗം അഭിപ്രായപ്പെടുന്നത്. എന്നാൽ മറ്റ് വിഷയങ്ങളിൽ ഘോരഘോരം പ്രതികരിക്കുകയും അന്താരാഷ്ട്ര വിഷയങ്ങളുമായി വരെ ബന്ധിപ്പിച്ച് വാർത്തകളിൽ നിറയുകയും ചെയ്യുന്ന താരം ഈ വിഷയത്തിൽ പ്രതികരണം ഒറ്റവാക്കിൽ ഒതുക്കിയത് ഇരട്ടത്താപ്പാണെന്ന് മറുപക്ഷം അഭിപ്രായപ്പെടുന്നു.
Discussion about this post