അരുണാചൽ പ്രദേശിലും ചൈനയിലും ഭൂചലനം

ഡൽഹി: അരുണാചൽ പ്രദേശിലും ചൈനയിലും ഭൂചലനം. അരുണാചൽ പ്രദേശിലെ പാങിനിൽ പുലർച്ചെ 6.56ഓടെ ആയിരുന്നു ഭൂചലനം. ഭൂചലനം റിക്ടർ സ്കെയിലിൽ 5.3 തീവ്രത രേഖപ്പെടുത്തി. നാശനഷ്ടങ്ങളെ കുറിച്ചോ ആളപായത്തെ കുറിച്ചോ വിവരങ്ങളില്ല.

ചൈനയിലെ ഷിംഗ്ഹായിയിലെ ദെലിംഗയിലായിരുന്നു ഭൂചലനം. ബീജിംഗ് സമയം രാവിലെ 9.56നായിരുന്നു ഭൂചലനം. ഭൂചലനം റിക്ടർ സ്കെയിലിൽ 5.4 തീവ്രത രേഖപ്പെടുത്തി. ആളപായങ്ങളില്ല എന്നാണ് പ്രാഥമിക വിവരം.

ചൈനയിലെ സിചുവാനിൽ ബുധനാഴ്ചയും ഭൂചലനം ഉണ്ടായിരുന്നു. ഇത് റിക്ടർ സ്കെയിലിൽ 5.1 തീവ്രത രേഖപ്പെടുത്തിയിരുന്നു.