ആലപ്പുഴയില് പോപ്പുലര് ഫ്രണ്ടിന്റെ റാലിക്കിടെയില് വിദ്വേഷ മുദ്രാവാക്യം വിളിച്ച സംഭവത്തില് ഒരാള് കസ്റ്റഡിയില്. ഈരാറ്റുപേട്ട സ്വദേശി അന്സാറിനെയാണ് പൊലീസ് കസ്റ്റഡിയില് എടുത്തിരിക്കുന്നത്. പ്രകടനത്തിന് കുട്ടിയെ കൊണ്ടുവന്നത് ഇയാളാണെന്നാണ് വിവരം. കേസില് മുദ്രാവാക്യം വിളിച്ച കുട്ടിയെ ചുമലിലേറ്റിയ ആളും പ്രതിയാകും. ആലപ്പുഴ ജില്ലാ പ്രസിഡന്റ് നവാസ് വണ്ടാനവും സെക്രട്ടറി മുജീബുമാണ് ഒന്നും രണ്ടും പ്രതികള്.
കുട്ടിയെക്കൊണ്ട് വര്ഗീയ മുദ്രാവാക്യം വിളിപ്പിച്ചതിന് കഴിഞ്ഞ ദിവസമാണ് പൊലീസ് കേസെടുത്തത്. മതസ്പര്ദ്ദ സൃഷ്ടിക്കാന് ശ്രമിച്ച കുറ്റത്തിന് 153 A വകുപ്പ് പ്രകാരം ആലപ്പുഴ സൗത്ത് പൊലീസാണ് കേസെടുത്തിരിക്കുന്നത്.
റാലിക്കിടെയില് ഒരു കുട്ടിയാണ് മുദ്രാവാക്യം വിളിച്ചത്. റാലിയില് ഒരാള് തോളിലേറ്റിയിരുന്ന ചെറിയകുട്ടിയാണ് മുദ്രാവാക്യം വിളിച്ചത്. മതവിഭാഗങ്ങളെ വെല്ലുവിളിക്കുന്ന തരത്തിലായിരുന്നു മുദ്രാവാക്യം. സംഭവത്തില് പൊലീസ് രഹസ്യാന്വേഷണ വിഭാഗമാണ് അന്വേഷണം ആരംഭിച്ചിട്ടുണ്ട്. ആയിരക്കണക്കിനാളുകള് പങ്കെടുത്ത പ്രകടനത്തിനിടെ ഒരാളുടെ തോളത്തിരുന്ന് ചെറിയ കുട്ടി പ്രകോപനപരമായി മുദ്രവാക്യം വിളിക്കുന്ന ദൃശ്യങ്ങള് സമൂഹമാധ്യമങ്ങളില് വൈറലായിരുന്നു. ഇതേ തുടര്ന്ന് അഭിഭാഷക പരിഷത്തിന്റെ പരാതിയല് പൊലീസ് കേസെടുക്കുകയായിരുന്നു.
Discussion about this post