തൃക്കാക്കര ഉപതിരഞ്ഞെടുപ്പിന്റെ വോട്ടെണ്ണല് മഹാരാജാസ് കോളജില് ആരംഭിച്ചു. തൃക്കാക്കരയില് ആദ്യ ഫലസൂചനകള് പുറത്തുവരുമ്പോള് യുഡിഎഫ് സ്ഥാനാര്ത്ഥി ഉമ തോമസാണ് ലീഡ് ചെയ്യുന്നത്. പോസ്റ്റല് വോട്ടുകളാണ് ആദ്യം എണ്ണിയത്.
പോസ്റ്റൽ വോട്ട് എണ്ണി തുടങ്ങിയപ്പോൾ മുതൽ തന്നെ ഉമാ തോമസ് മുന്നേറ്റം ആരംഭിച്ചു. ആകെ പത്ത് വോട്ടുകളിൽ മൂന്ന് വോട്ടുകളാണ് യുഡിഎഫിന് ലഭിച്ചത്. മൂന്ന് വോട്ടുകൾ അസാധുവായി. രണ്ട് വോട്ടുകൾ എൽഡിഎഫിനും രണ്ട് വോട്ടുകൾ ബിജെപിക്കും ലഭിച്ചു.
ഇലക്ട്രോണിക് വോട്ടുകൾ എണ്ണുമ്പോഴും തുടക്കം മുതൽ തന്നെ ഉമാ തോമസ് ലീഡ് നിലനിർത്തുകയാണ്. ആദ്യം കൊച്ചി കോര്പറേഷനിലെ ഇടപ്പള്ളി, പോണേക്കര ഡിവിഷനുകള്, രണ്ടാം റൗണ്ടില് ദേവന്കുളങ്ങര, കറുകപ്പള്ളി, മാമംഗലം, പാടിവട്ടം എന്നിവിടങ്ങളിലെ വോട്ടുകളാണ് എണ്ണുന്നത്.
12 റൗണ്ടുകളായിട്ടാണ് വോട്ടെണ്ണല്. 21 ബൂത്തുകളിലെ വോട്ടുകളാണ് എണ്ണുന്നത്. വിജയപ്രതീക്ഷയിലും തികഞ്ഞ ആത്മവിശ്വാസത്തിലുമാണ് മുന്നണികള്. 68.77 ശതമാനം മാത്രമാണ് ഇക്കുറി തൃക്കാക്കരയിലെ പോളിങ് ശതമാനം.
മെയ് 31നായിരുന്നു തിരഞ്ഞെടുപ്പ്. 239 ബൂത്തുകളിലായി 1,35,342 വോട്ടര്മാര്മാരാണ് സമ്മതിദാനാവകാശം വിനിയോഗിച്ചത്. ഉമ തോമസാണ് മണ്ഡലത്തിലെ യുഡിഎഫ് സ്ഥാനാര്ത്ഥി. എല്ഡിഎഫിന് വേണ്ടി ജോ ജോസഫും ബിജെപിക്ക് വേണ്ടി എ എന് രാധാകൃഷ്ണനുമാണ് മത്സരരംഗത്തുള്ളത്.
Discussion about this post