രാഷ്ട്രപതി തിരഞ്ഞെടുപ്പ്: വോട്ടെണ്ണൽ ആരംഭിച്ചു

രാഷ്ട്രപതി തിരഞ്ഞെടുപ്പിലെ വിജയിയെ കണ്ടെത്താനുള്ള വോട്ടെണ്ണൽ ആരംഭിച്ചു. ദ്രൗപതി മുർമുവാണ് എൻഡിഎയുടെ സ്ഥാനാർത്ഥി. യശ്വന്ത് സിൻഹയാണ് പ്രതിപക്ഷ സ്ഥാനാർത്ഥി. രാവിലെ 11 മണിക്കാണ് വോട്ടെണ്ണൽ ആരംഭിച്ചത്

ലോക്‌സഭാ, രാജ്യസഭാ എംപിമാരുടെ വോട്ടുകളാണ് ആദ്യം എണ്ണുന്നത്, അതിനുശേഷം സംസ്ഥാന നിയമസഭകളിലെ വോട്ടുകൾ എണ്ണും.

തിങ്കളാഴ്ചയായിരുന്നു വോട്ടെടുപ്പ് നടന്നത്. ഡൽഹിയിലെ പാർലമെന്റ് ഹൗസിൽ എംപിമാരും രാജ്യത്തുടനീളമുള്ള സംസ്ഥാന അസംബ്ലികളിൽ എംഎൽഎമാരും മുഖ്യമന്ത്രിമാരും വോട്ട് രേഖപ്പെടുത്തി.

സിറ്റിംഗ് രാഷ്ട്രപതി രാംനാഥ് കോവിന്ദിന്റെ കാലാവധി അവസാനിച്ചതിന് ശേഷം അടുത്ത രാഷ്ട്രപതി ജൂലൈ 25 ന് സത്യപ്രതിജ്ഞ ചെയ്യും.