വാഷിംഗ്ടണ്: ലോകത്തിലെ അതിവേഗം വളരുന്ന സമ്പദ് വ്യവസ്ഥകളില് ഒന്നായി തുടരാന് ഇന്ത്യക്ക് സാധിക്കുമെന്ന് ലോകബാങ്ക്. നടപ്പ് സാമ്പത്തിക വര്ഷത്തെ ഇന്ത്യയുടെ വളര്ച്ച അനുമാനം ലോകബാങ്ക് 6.5 ശതമാനമാക്കി ഉയര്ത്തി. സെപ്റ്റംബര് പാദത്തിലെ ജിഡിപി അനുമാനവും 6.5 ശതമാനത്തില് നിന്നും 6.9 ശതമാനമാക്കി ഉയര്ത്തിയിട്ടുണ്ട്. ആഗോളതലത്തില് രാജ്യങ്ങള് സാമ്പത്തിക പ്രതിസന്ധി നേരിടുന്ന സാഹചര്യത്തിലുള്ള ലോകബാങ്കിന്റെ ഈ നടപടി ഇന്ത്യയിലെ ഇന്ത്യയിലെ സാമ്പത്തിക വളര്ച്ചയ്ക്കുള്ള അംഗീകാരമാണ്.
അതേസമയം അടുത്ത വര്ഷത്തെ ഇന്ത്യയുടെ സാമ്പത്തിക വളര്ച്ച അനുമാനം ലോകബാങ്ക് 7 ശതമാനത്തില് നിന്നും 6.9 ശതമാനമാക്കി നേരിയ തോതില് വെട്ടിച്ചുരുക്കുകയും ചെയ്തിട്ടുണ്ട്.
വെല്ലുവിളികള്ക്കിടയിലും ഉയരുന്ന ആഭ്യന്തര ആവശ്യകത ഇന്ത്യയുടെ വളര്ച്ചയില് പ്രധാന ഘടകമായി മാറുമെന്ന് ഏറ്റവും പുതിയ റിപ്പോര്ട്ടില് ലോകബാങ്ക് നിരീക്ഷിച്ചു. വിലക്കയറ്റവും നിരക്ക് വര്ധനയുമെല്ലാം രാജ്യങ്ങളുടെ സമ്പദ് വ്യവസ്ഥകളെ ബാധിക്കുമെങ്കിലും ഇന്ത്യ മെച്ചപ്പെട്ട നിലയിലാണ് മുന്നേറുന്നത്. ലോകത്തിലെ അതിവേഗം വളരുന്ന സമ്പദ് വ്യവസ്ഥകളിലൊന്നായി തുടരാന് ഇന്ത്യയ്ക്ക് സാധിക്കുമെന്നും ലോകബാങ്ക് നിരീക്ഷിച്ചു.
Discussion about this post