പാരീസ്: ലോകകപ്പ് ഫുട്ബോളിന്റെ സെമി ഫൈനലില് ഫ്രാന്സിനോട് പൊരുതി തോറ്റതില്
മൊറോക്കന് ആരാധകര് കടുത്ത നിരാശയില്. പ്രതിഷേധവുമായി പുറത്തിറങ്ങിയ ഇക്കൂട്ടര്
ഫ്രാന്സ് ആരാധകരുമായി ചേരിതിരിഞ്ഞ് ഏറ്റുമുട്ടി. ഫ്രാന്സിലും ബെല്ജിയത്തിലും ഇരുകൂട്ടരും തെരുവില് ഏറ്റുമുട്ടിയതായി വിവിധ മാധ്യമങ്ങള് റിപ്പോര്ട്ട് ചെയ്തു.
സെമി ഫൈനലില് 2-0 ന് മൊറോക്കയെ തകര്ത്താണ് ഡിഫന്സ് ചാംപ്യന്മാര് ഫൈനലില് കടന്നത്. വിജയം ആഘോഷിക്കാനായി പാരീസ് തെരുവിലിറങ്ങിയ ഫ്രാന്സ് ആരാധകര്ക്കു നേരെ മൊറോക്കന് പ്രേമികള് ആക്രോശവുമായി എത്തിയതോടെ തെരുവുകളില് തല്ല് രൂക്ഷമാകുകയായിരുന്നു. ഇതോടെ ആരാധക കൂട്ടത്തെ പിരിച്ചുവിടാന് പോലീസ് ടിയര് ഗ്യാസും ജലപീരങ്കിയും അടക്കമുള്ളവ പ്രയോഗിച്ചു. പടക്കങ്ങളും മറ്റും ആരാധകര് പോലീസിനു നേരെ വലിച്ചെറിയുന്ന ദൃശ്യങ്ങള് സാമൂഹ്യ മാധ്യമങ്ങളില് പ്രചരിക്കുന്നുണ്ട്. ബ്രസല്സില് സൗത്ത് സ്റ്റേഷന് സമീപം മൊറോക്കന് ആരാധകര് കൂട്ടമായെത്തി മൊറോക്കയുടെ പരാജയത്തില് പ്രതിഷേധിക്കുകയുണ്ടായി. ശനിയാഴ്ച നടക്കുന്ന ലൂസേഴ്സ് ഫൈനലില് ക്രൊയേഷ്യയാണ് മൊറോക്കയുടെ എതിരാളികള്.
Discussion about this post