ന്യൂഡെല്ഹി: സിപിഐഎമ്മിനെ പ്രതിസന്ധിയിലാക്കിയ ഇ പി ജയരാജനുമായി ബന്ധപ്പെട്ട അനധികൃത സ്വത്ത് സമ്പാദനത്തില് മാധ്യമപ്രവര്ത്തകരുടെ ചോദ്യം അവഗണിച്ച് മുഖ്യമന്ത്രി പിണറായി വിജയന്. ന്യൂഡെല്ഹിയില് എത്തിയ മുഖ്യമന്ത്രിയോട് ജയരാജന് വിഷയം പൊളിറ്റ് ബ്യൂറോ ചര്ച്ച ചെയ്യുമോ എന്ന് മാധ്യമപ്രവര്ത്തകര് ചോദിച്ചപ്പോള്, ഡെല്ഹിയില് തണുപ്പ് എങ്ങനെയുണ്ട് എന്നതായിരുന്നു മുഖ്യമന്ത്രിയുടെ മറുചോദ്യം.
എന്തെങ്കിലും പറയാനുണ്ടെങ്കില് നിങ്ങളുടെ അടുത്തേക്ക് വരുമെന്നും പിണറായി വിജയന് പറഞ്ഞു. ഡെല്ഹിയില് പ്രധാനമന്ത്രിയുമായി കൂടിക്കാ്ഴ്ച നടത്തുമോ എന്ന ചോദ്യത്തിനും മുഖ്യമന്ത്രി മറുപടി നല്കിയിട്ടില്ല.
അനധികൃത സ്വത്ത് സമ്പാദനവുമായി ബന്ധപ്പെട്ട് ഇ പി ജയരാനെതിരായി പി ജയരാജന് നല്കിയ പരാതി കേന്ദ്ര നേതൃത്വത്തിന്റെ പരിഗണനയിലാണ്.ചൊവ്വാഴ്ച ചേരുന്ന പൊളിറ്റ്ബ്യൂറോ ജയരാജന് വിഷയം ചര്ച്ച ചെയ്യുമോ എന്ന കാര്യം വ്യക്തമായിട്ടില്ല. അതേസമയം ഈ വിഷയം പാര്ട്ടിക്കകത്തും പുറത്തും ചര്ച്ചയായ സാഹചര്യത്തില് വിഷയം പിബി ചര്ച്ച ചെയ്യാനാണ് സാധ്യത.
Discussion about this post