തിരുവനന്തപുരം: ജിയോയുടെ ട്രൂ 5ജി സേവനം ഇന്ന് മുതല് തിരുവനന്തപുരത്തും ലഭ്യമായി തുടങ്ങി. തിരുവനന്തപുരം കോര്പ്പറേഷന്, നെയ്യാറ്റിന്കര പരിസര പ്രദേശങ്ങള് തെരഞ്ഞടുക്കപ്പെട്ട ഇടങ്ങള് എന്നിവിടങ്ങളിലാണ് തുടക്കത്തില് ലഭ്യമായത്. ഇന്ന് മുതല് തുടങ്ങിയ സേവനം തമ്പാനൂര്, വിമാനത്താവളം, ടെക്നോപാര്ക്ക് അടക്കം 120 സ്ഥലങ്ങളിലുണ്ടാകും.
4ജി നെറ്റ്വര്ക്കിനെ ആശ്രയിക്കാത്ത, സ്റ്റാന്റലോണ് 5ജി നെറ്റ്വര്ക്ക് വികസിപ്പിച്ച ഏക കമ്പനിയാണ് ജിയോ. 5ജി ഹാന്ഡ്സെറ്റുള്ള ഉപഭോക്താക്കള്ക്ക് അധിക ചെലവില്ലാതെ 1ജിബിപിഎസ്+ വേഗതയില് അണ്ലിമിറ്റഡ് ഡാറ്റയില് 5ജി സേവനം സ്വീകരിക്കാനാകും. 5ജി സേവനം സ്വീകരിക്കാന് ഉപഭോക്താക്കള്ക്ക് സിം കാര്ഡ് മാറ്റേണ്ട ആവശ്യമില്ല. ജിയോ അയയ്ക്കുന്ന വെല്ക്കം സന്ദേശത്തിലൂടെ അതിവേഗ ഡാറ്റ ഉപയോഗിച്ചു തുടങ്ങാം. ഫോണില് പോസ്റ്റ്പെയ്ഡ് കണക്ഷന് അല്ലെങ്കില് 239 രൂപയുടെ പ്ലാനോ അതിനു മുകളിലുള്ള പ്ലാനുകളോ ഉണ്ടാകണമെന്ന് മാത്രം.
Discussion about this post