ഡല്‍ഹി: ജുഡീഷ്യല്‍ നിയമന കമ്മിഷന്‍ വിഷയത്തില്‍ കോടതിയുമായി സര്‍ക്കാര്‍ ഏറ്റുമുട്ടലിനില്ലെന്ന് കേന്ദ്ര നിയമമന്ത്രി അരുണ്‍ ജെയ്റ്റ്‌ലി. സുപ്രീം കോടതിയുടെ ഉത്തരവ് സര്‍ക്കാര്‍ പാലിക്കുമെന്നും ജെയ്റ്റ്‌ലി പറഞ്ഞു. സുപ്രീം കോടതി ശരിയായോ തെറ്റായോ തീരുമാനമെടുക്കാനം. അത് അംഗീകരിക്കുകയാണ് വേണ്ടതെന്നും അദ്ദേഹം പറഞ്ഞു. ഒരു ചാനല്‍ സംവാദത്തിലാണ് ജെയ്റ്റ്‌ലി തന്റെ നിലപാട് വ്യക്തമാക്കിയത്.
ജുഡീഷല്‍്യല്‍ നിയമന കമ്മീഷന്‍ മരിച്ചുകഴിഞ്ഞു. എന്നാല്‍ ജഡ്ജിമാരുടെ നിയമനത്തിനുള്ള മികച്ച സംവിധാനത്തിനായി ചര്‍ച്ചകള്‍ തുടരും. സ്വതന്ത്രവും വിശ്വസ്തവുമായ ഒരു നീതിന്യായ സംവിധാനത്തിനായി ഇത്തരം ചര്‍ച്ചകള്‍ പൊതുസമൂഹത്തിലും പാര്‍ലമെന്റിലും തുടരും. കൊളീജിയം സംവിധാനത്തോടുള്ള തന്റെ എതിര്‍പ്പ് തുടരും. കാരണം അത് കുറവുകള്‍ നിറഞ്ഞതാണ്. രാജ്യത്തിനാവശ്യം നിഷ്പക്ഷമായ നീതിന്യായ സംവിധാനമാണ്-ജെയ്റ്റ്‌ലി പറഞ്ഞു.
ജഡ്ജിമാരുടെ നിയമനത്തിന് ദേശീയ ജുഡീഷ്യല്‍ നിയമന കമ്മീഷന്‍ കൊണ്ടുവരാനുള്ള കേന്ദ്രത്തിന്റെ നീക്കം സുപ്രീം കോടതി റദ്ദാക്കുകയും കൊളീജിയം സംവിധാനം പുനഃസ്ഥാപിക്കുകയും ചെയ്തിരുന്നു. ഇതിനെ രൂക്ഷമായി വിമര്‍ശിച്ച ജെയ്റ്റ്‌ലി ‘ഇന്ത്യന്‍ ജനാധിപത്യം തെരഞ്ഞെടുക്കപ്പെടാത്തവരുടെ നിഷ്ഠൂരഭരണമല്ലെന്നാണ്’ പ്രതികരിച്ചത്.
Discussion about this post