കവരത്തി: വധശ്രമക്കേസിൽ ലക്ഷദ്വീപ് എംപിയ്ക്ക് തടവുശിക്ഷ. എൻസിപി നേതാവ് മുഹമ്മദ് ഫൈസലിനെയാണ് കവരത്തി ജില്ല സെഷൻസ് കോടതി ശിക്ഷിച്ചത്. 10 വർഷം തടവ് ശിക്ഷയാണ് മുഹമ്മദ് ഫെസലിന്റെ സഹോദരങ്ങൾ അടക്കമുള്ള നാല് പ്രതികൾക്ക് വിധിച്ചത്.
2009 ലെ തിരഞ്ഞെടുപ്പിനിനിടയിൽ ഉണ്ടായ സംഘർഷത്തിൽ മുഹമ്മദ് സാലിഹ് എന്ന കോൺഗ്രസ് പ്രവർത്തകനെ ആക്രമിച്ച് ഗുരുതരമായി പരിക്കേൽപ്പിച്ചതിനാണ് ശിക്ഷ.കേസിലെ രണ്ടാം പ്രതിയാണ് എംപി. ഒരു ഷെഡ് സ്ഥാപിച്ചതിനേത്തുടർന്നുള്ള തർക്കമാണ് അക്രമത്തിൽ കലാശിച്ചത്.
വധശ്രമ കേസിലെ തടവ് ശിക്ഷ സ്റ്റേ ചെയ്യണമെന്ന് ആവശ്യപ്പെട്ട് ഇന്ന് തന്നെ ഹൈക്കോടതിയെ സമീപിക്കുമെന്ന് മുഹമ്മദ് ഫൈസലിന്റെ അഭിഭാഷകൻ വ്യക്തമാക്കി.
Discussion about this post