ശ്രീനഗർ: കേന്ദ്ര ആഭ്യന്തര മന്ത്രി അമിത് ഷാ ജമ്മുവിലെത്തി. രജൗറി ഭീകരാക്രമണത്തിൽ കൊല്ലപ്പെട്ടവരുടെ കുടുംബാംഗങ്ങളുമായി അദ്ദേഹം ഇന്ന് കൂടിക്കാഴ്ച നടത്തും. ജമ്മു കശ്മീർ ലഫ്റ്റ്നന്റ് ഗവർണർ മനോജ് സിൻഹ അമിത് ഷായെ ശ്രീനഗർ വിമാനത്താവളത്തിൽ സ്വീകരിച്ചു.
രജൗറിയിലെത്തി ഭീകരാക്രമണത്തിൽ കൊല്ലപ്പെട്ടവരുടെ കുടുംബാംഗങ്ങളുമായി കൂടിക്കാഴ്ച നടത്തിയ ശേഷം അദ്ദേഹം മേഖലയിലെ സുരക്ഷാ സാഹചര്യങ്ങൾ വിലയിരുത്തും. ഭീകരാക്രമണം നടന്ന സ്ഥലങ്ങളും അമിത് ഷാ സന്ദർശിക്കും.
തുടർന്ന് ജമ്മു കശ്മീർ ഭരണസമിതി ഉദ്യോഗസ്ഥരുമായും സുരക്ഷാ ഉദ്യോഗസ്ഥരുമായും അമിത് ഷാ ആശയവിനിമയം നടത്തും. ജനുവരി 1,2 തീയതികളിൽ രജൗറിയിൽ നടന്ന ഭീകരാക്രമണങ്ങളിൽ രണ്ട് കുട്ടികൾ ഉൾപ്പെടെ 7 പേർ കൊല്ലപ്പെട്ടിരുന്നു.
ജനുവരി 9ന് ജമ്മു കശ്മീരിലെ ബിജെപി നേതാക്കളുമായി അമിത് ഷാ ഡൽഹിയിൽ കൂടിക്കാഴ്ച നടത്തിയിരുന്നു.
Discussion about this post