കൊച്ചി: സംസ്ഥാനത്ത് സ്വർണ വില കുതിക്കുന്നു. പവൻ വില സർവ്വകാല റെക്കോഡിലെത്തി. 42,160 രൂപയാണ് സ്വർണത്തിന്റെ ഇന്നത്തെ വിപണി വില. ഗ്രാമിന് 35 രൂപ വർദ്ധിച്ച് 5,270 രൂപയായി മാറി. അത് വരെ കൂടിയും കുറഞ്ഞുമിരുന്ന സ്വർണവിലയ്ക്ക് ജനുവരി 20 ന് ശേഷം മാറ്റമില്ലായിരുന്നു. തുടർച്ചയായ 4 ദിവസം മാറ്റമില്ലാതെയിരുന്ന സ്വർണവിലയാണ് പെട്ടെന്ന് വർദ്ധിച്ചത്.
ഒരു ഗ്രാം 18 കാരറ്റ് സ്വർണത്തിൻറെ വിലയും ഉയർന്നു. 30 രൂപയാണ് ഉയർന്നത്. ഒരു ഗ്രാം 18 കാരറ്റ് സ്വർണത്തിൻറെ വിപണി വില 4360 രൂപയാണ്. അന്താരാഷ്ട്ര സ്വർണ വില 1934 ഡോളറാണ്.
2020 ആഗസ്റ്റിലാണ് ഇതിന് മുൻപ് സ്വർണവില 42,000 രൂപ കടന്നത്. അന്ന് ഒരു ഗ്രാം സ്വർണത്തിന്റെ വില 5,250 രൂപയായിരുന്നു.
കഴിഞ്ഞ അൻപത് വർഷത്തിനിടെ മറ്റൊരു വസ്തുവിനും ഉണ്ടാവാത്ത അത്ര വിലക്കയറ്റമാണ് സ്വർണത്തിന് ഉണ്ടായിരിക്കുന്നത്. 1973 ൽ കേരളത്തിൽ ഒരു ഗ്രാം സ്വർണത്തിന്റെ വില 27.50 രൂപയായിരുന്നു. ഒരു പവൻ സ്വർണത്തിന് വില 220 രൂപയുമായിരുന്നു. 2022 ലേക്ക് എത്തും എത്തുമ്പോൾ 190 മടങ്ങ് വർദ്ധനവാണ് വിലയിൽ ഉണ്ടായിരിക്കുന്നത്.
Discussion about this post