തൃശൂർ: കുന്നംകുളത്ത് പന്നിത്തടത്ത് യുവതിയേയും രണ്ട് മക്കളേയും വീടിനുള്ളിൽ മരിച്ച നിലയിൽ കണ്ടെത്തി. പന്നിത്തടം ചെറുമാനയൻമൂട് സ്വദേശി ഹാരിസിന്റെ ഭാര്യ ഷഫീന, മക്കളായ അജുവ(മൂന്ന്), അമൻ(ഒന്നര) എന്നിവരെയാണ് മരിച്ച നിലയിൽ കണ്ടെത്തിയത്. വീടിന്റെ മുകൾ നിലയിൽ ബാൽക്കണിയിൽ നിന്നാണ് മൃതദേഹങ്ങൾ കണ്ടെത്തിയത്. ഷഫീനയുടെ ഭർത്താവ് ഹാരിസ് വിദേശത്താണ്.
ഷഫീനയും ഭർതൃമാതാവും മാത്രമാണ് വീട്ടിലുണ്ടായിരുന്നത്. കഴിഞ്ഞ ദിവസം ബന്ധുവീട്ടിൽ പോയി മടങ്ങി വന്നതിന് ശേഷം ഇവർ കിടക്കാനായി വീടിന്റെ മുകൾ നിലയിലേക്ക് പോയിരുന്നു. രാവിലെ പ്രഭാതസവാരിക്ക് ഇറങ്ങിയവരാണ് ബാൽക്കണിയിൽ മൃതദേഹങ്ങൾ കണ്ടത്. ഉടനെ തന്നെ പോലീസിനേയും മറ്റുള്ളവരേയും വിവരം അറിയിക്കുകയായിരുന്നു. മൃതദേഹങ്ങൾക്ക് സമീപത്ത് നിന്ന് പെട്രോൾ നിറച്ച കുപ്പിയും കണ്ടെത്തിയിട്ടുണ്ട്. ആത്മഹത്യയാണെന്നാണ് പ്രാഥമിക നിഗമനം. ഫൊറൻസിക് വിദഗ്ധരും സ്ഥലത്തെത്തി പരിശോധന നടത്തും.
