ചെന്നൈ – തന്റെ ചിത്രങ്ങളും വീഡിയോ ക്ലിപ്പുകളും പരസ്യങ്ങളിൽ ഉപയോഗിക്കുന്നതിനെതിരെ സൂപ്പർ സ്റ്റാർ രജനീകാന്ത് രംഗത്ത്. പരസ്യങ്ങളിൽ തന്റെ ചിത്രങ്ങളും പേരും ശബ്ദവും കാരിക്കേച്ചർ ഇമേജുകളും വ്യാപകമായി ഉപയോഗിക്കുന്നതിനെതിരെ നിയമനടപടി സ്വീകരിക്കുമെന്ന് അദ്ദേഹം പറഞ്ഞു. ഇതിലൂടെ പൊതുജനങ്ങളെ തെറ്റിദ്ധരിപ്പിക്കാനുളള ശ്രമങ്ങളാണ് നടത്തുന്നത് എന്നും രജനീകാന്ത് അയച്ച നോട്ടീസിൽ വ്യക്തമാക്കുന്നു.
ഒരു സ്റ്റീൽ കമ്പനി, രജനീകാന്തിന്റെ ചിത്രം ഉപയോഗിച്ച് പരസ്യം ഇറക്കിയിരുന്നു. അനുവാദം ചോദിക്കാതെയാണ് ഇത്തരം ഒരു നടപടി. അതിനെതിരെയാണ് രജനീകാന്ത് രംഗത്തെത്തിയത് എന്നാണ് വിവരം.
ഇതുവരെ മൂന്നു പരസ്യചിത്രങ്ങളില് മാത്രമാണ് നടൻ അഭിനയിച്ചിരിക്കുന്നത്. അതും തമിഴ്നാട് സര്ക്കാരിന്റെ പൊതുജനങ്ങള്ക്കായുള്ള പരസ്യങ്ങളില്. അതിനായി ഒരു രൂപപോലും അദേഹം വാങ്ങിയിട്ടില്ല. എന്നാല് അടുത്ത കാലത്ത് രജനീകാന്തിന്റെ ചിത്രങ്ങള് വ്യാപകമായി പരസ്യങ്ങള്ക്ക് ചിലര് ഉപയോഗിച്ചു.
Discussion about this post