ഭുവനേശ്വർ: ഒഡിഷയിൽ ആരോഗ്യമന്ത്രി നബ കിഷോർ ദാസിന് നേരെ വെടിയുതിർത്തത് അംഗരക്ഷകനായ എഎസ്ഐ ഗോപാൽ ചന്ദ്രദാസ് എന്ന് വിവരം. ഇയാളെ സംഭവസ്ഥലത്ത് നിന്ന് പോലീസ് അറസ്റ്റ് ചെയ്തു. മന്ത്രിയ്ക്ക് നേരെ ഇയാൾ നാല് തവണ വെടിയുതിർത്തെന്നാണ് വിവരം. ഇതിൽ രണ്ടെണ്ണം മന്ത്രിയുടെ നെഞ്ചിലാണ് ഏറ്റത്.
മന്ത്രി കാറിൽ നിന്നിറങ്ങി പുതുതായി പണിത പാർട്ടി ഓഫീസിലേക്ക് നടക്കാനൊരുങ്ങുമ്പോഴാണ് എഎസ്ഐ ആക്രമിച്ചത്. ആക്രമണ കാരണം വ്യക്തമല്ല. ഇയാളെ പോലീസ് ചോദ്യം ചെയ്ത് വരികയാണ്. ജാർസുഗുഡ ജില്ലയിലെ ഒരു പൊതുപരിപാടിയിൽ പങ്കെടുക്കുകയായിരുന്നു മന്ത്രി.
മന്ത്രിയ്ക്ക് നേരയുണ്ടായ ആക്രമണം ആസൂത്രിതമാണെന്നാണ് വിവരം. കനത്ത പോലീസ് സുരക്ഷയെ മറികടന്ന് എഎസ്ഐ വെടിയുതിർത്തത് വലിയ സംശയങ്ങൾക്ക് വഴിയൊരുക്കിയിട്ടുണ്ട്.
Discussion about this post