ന്യൂഡൽഹി : സാങ്കേതിക രംഗത്ത് പുതിയ മാറ്റങ്ങൾക്ക് പിന്തുണ നൽകി കേന്ദ്ര ബജറ്റ്. രാജ്യത്ത് ആർട്ടിഫിഷ്യൽ ഇന്റലിജൻസ് സാങ്കേതിക വിദ്യയുടെ വികാസത്തിനായി മൂന്ന് കേന്ദ്രങ്ങൾ സ്ഥാപിക്കാനൊരുങ്ങുകയാണ്. ” മേക്ക് എഐ ഇൻ ഇന്ത്യ” ” മേക്ക് ഐഎ വർക്ക് ഫോർ ഇന്ത്യ” എന്നിവ ലക്ഷ്യമിട്ട് രാജ്യത്തെ മുൻനിര സ്ഥാപനങ്ങളിലാണ് ഇത് സ്ഥാപിക്കുക.
കൃഷി, ആരോഗ്യം, സുസ്ഥിര നഗരങ്ങൾ എന്നീ മേഖലകളിൽ ഇന്റർ ഡിസിപ്ലിനറി ഗവേഷണം നടത്തുന്നതിനും അത്യാധുനിക ആപ്ലിക്കേഷനുകൾ വികസിപ്പിക്കുന്നതിനും ഇത് സഹായകമാകും.
ഇത് കൂടാതെ 5ജി സാങ്കേതിക വിദ്യാ വികാസത്തിന് വേണ്ടി വിവിധ എഞ്ചിനീയറിങ് കോളേജുകളിലായി നൂറ് 5ജി ലാബുകൾക്ക് തുടക്കമിടും. മേൽപ്പറഞ്ഞ മേഖലകളിൽ പ്രയോജനപ്പെടുന്ന 5ജി സാങ്കേതിക വിദ്യകളുടെ വികാസവും ഈ ലാബുകളിലൂടെ സാധ്യമാക്കും.
Discussion about this post